Pitar, Putar pawl sungin mithianghlim cangtu mi 5

Pitar, Putar pawl sungin mithianghlim cangtu mi 5

Kum tin July thla zarhlinak nipi  ni cu Catholic Pawlpi ah kum 2021 in Pope Francis in a rak thawh mi leitlun huap kum upa pawl ni tuah a si theu. July 26 ni hi Jesuh ih pilepu a si mi mithianghlim Joachim le Anne puai ni thawn a nai bik mi zarhpi ah tuah a si.

Tuikum ah  leitlun huap pilepu puai ni cu July 28 ih tuah a si ih cu mi thuluu cu Saam 71 sungta "ka kum upat hnuah in tansan hlah uh" ti hi a si.

Mithianghlim Pitar le putar pawl thuthawn pehpar in mi tampi cun an rak zoh niam theu. Anne le Joachim tei cu Jesuh Khrih a hringtu ding thlasuah ngah tu a si mi fala thiang Maria ih a zuamnakah thape tu zumtu rin um mithianghlim an si.

Ziangziang a sikhal le pitar le putar a si mithianghlim tampi an um ih nuncan ziaza ah cawn thlak an si vekin thlacamnak ah mual a nei tu khal an asi.

St. Monica

Mithianghlim Monica cu Hippo khua ih   theologian mithianghlim Augustine ih nu a si ih a mai a nunramah mual  a nei zet mi thlacamnak nunram ruangah mi theih tam mi a si.

Asinan a mah cu pitar pakhat a rak si. Augustine ih a harsa ih a  huaksuak mi nunram ah nunau pakhat thawn an neih mi Adeodatus ti hmin neitu ih pi a si. Adeodatus cu Augustine ih thu hnuai ah a um ih Monica thawn an rak um. An pafa in Baptism an rak sang tlang. Kum 16 a kimah Adeodatus cu a nunnak a cem nan a pi a thih caan ah a rak um tu a si.

St.Helen

 Mithianghlim Helen cu Turkey ram modern- day ah  AD 248 hrawngah a rak suakih Roman Empiror Constantine the Great ih nu a si. Amah cu Pathian ih rin um mi salnu tha a si ih Bethehem le a dang hmun pawl ah Biakinn tampi a rak sak ih Jerusalem ah Bawi Jesuh Thinglamtah ngaingai hawl nakah a thubik dinhmun in a rak tel ve tu a si. Mifarah pawl khal sumpai in siseh thilri in siseh tampi a rak bawm.

Helen khal cu St. Constance tiah mi theih tam mi Constantina ih pi khal a si ih Constantine ih fanu upabik le a pahnihnak nupi Fausta ih pi khal a si. St. Helena ih ruhreu pawl cu Vatican Museum ah ret a si ih a kiangah a tunu ih ruhreu pawl khal ret a si.

St. Thomas More

Englis ih Chancellor dinhmun in Siangpahrang Henry VIII hnen hna rian a rak tuan tu English Lawyer le martyr a si mi St. Thomas More cu Joanna Colt thawn 1505 kumah kutsihnak an rak nei ih Joanna a thih hlan 1511 kum tiangah fa pali an rak nei.

St. Loius IX

St. Loius cu 1226 in 1270 kum tiangah France ram Siangpahrang a si ih a mai nunram cu thlacam nak in a rak hmangtu a si. Kutdawh pawl kha a mai rawlei nak cabuai ah rawl a ei ter ih an ke khal a rak kholh saktu zaangfah lainatnak hnatuan tuan tu ti ih mi theih tam mi a si. Miphar pawl khal cu a rak tuamhlawm ih  siizung tampi rak sak tu a si.

Amah cu provence ih Margaret thawn kut an sih ih fate 11 an rak nei ih pahnih cu an nautet lai in an rak thi. A fale pawl tampi cu innsang an thluh.

St. Elizabeth Ann Seton

Elizabeth Ann Bayley Seton cu hminthang mi Episcopalian sungkua in 1774 ah New York ah a rak suak. Kum 19 a ti ah a mah cu milian sumdawng William Magee Seton thawn an rak nei aw ih fa panga an rak  nei.

1803 kumah William cu a nunnak a rak cem hnuah Elizabeth cu nuhmei dinhmun in a rak um. A mah cu Italy ih a um laiah Catholic biaknak a rak hmu ih American ih a kirsal hnuah 1805 ah Catholic Pawlpi ah a rak lut, 1809 kumah the Sister of Charity of St.Joseph ti mi Sister Pawlkom a rak din. A Tu le pawl a hmu thei nawn lo nan Seton ih fapa William in fa 9 a nei ih cu mi sungin pakhat cu 1865 kum, Rome khua ah Puithiam si nak a rak ngah. Hi mi thu hi Catholic news agency in a tawi zawng ih kan ngan mi a si.