Pope Benedict XVI ih thluasuah a pek hnu cancer nat in dam tu Puithiam cang. (June 18, 2022)

Pope Benedict XVI ih thluasuah a pek hnu cancer nat in dam tu Puithiam cang.

(June 18, 2022)

            A hmin cu Fr.Peter Srsich a si. Amah cu (Rome 8:28) ih catlang asimi "Ziangtinkim ahhin Pathian cun mah a duhdawttu le amah ih tumtah mi vekih a kawhmi hrang ahcun an thatnak ah hna a tuan a si, ti AC thu vekin thazang la tu a si. Culaiah amah cu kum 17 lawng a silai. Lawng to in a khualtlawnnak ihsin a tlun hnu bangtuk in a um theu ih, a awm khal a naa theu. Innsang pawl in cuap dai ngah tiin an ruat ih an check ter. A ra suak mi an check mi result cu mangbangza a si. Ziangruangahtile a cuap ah a hlum mi bol pakhat an hmu ih dinhmun 4 nak a thleng zo. Cutiin Chemo sii pawl an thun. A zia ti hnakin a beidong nak a tam vivo.

            Amah cu biaknak lam zuamzet mi mino pakhat asinan ziangruangah a thin a har? Amah cu Puithiam nunram thlun ding khalah a tum tu a si. Asinan cuvek a nasa zet mi cancer a tuar tu siizung ih a umnak ni pawl ah Bawi Jesuh Thi le Sa sang ding ah duhnak a nei lo. Cutiin a zumna le cancer thawn pehpar in a tuarnak thu cu cancer a dam hnu Denver Cathoilc social media ah a sim sal. Asimmi cu "Bawi Jesuh Thi le Sa cu ka nu in hmu asile a lungawi ding timi ka thei. Cumicu ziang thawn a bang ti a sile "kadam, ka zia" tiduh san a si.Bawi  Jesuh Thi le Sa ka sang. Ka rualpi in Bawi jsuh Thi le Sa sangin  Pathian ih Tuu fano a khung zet mi daan thawn in hmuh. Jesuh cu ka thinlung sungah a tong.  A tong thaten ka ngai. Bawi Jesuh in "Peter… himi tuahnak cu a har timi ka thei. Na hnen ih cancer a hlo lo ding. Asinan nangmah thawn ka feh ding" tiin in sim. Cui tong cun ka tuar mi natnak a hlo ter lonan ziangkim a thleng.

            A Make a Wish foundation cu natsia tuar tu nauhak pawl hnen an duh mi pawl silhkhah sak nak thinnom dingah an zuam sak theu. Cui can tha cu Peter hnen a thleng. Peter ih duh mi cu Vatican ah fehin Pope ton a duh. Cui caantha a ngah. Pope thawn an tong awk hnu a tuar nak cu Vatican tiang thleng thei dingah a bawm tu LuAnn Griffin in "Vatican thleng dingah a phur zet timi cu rinhlelh ding a um lo ti ka zum" tiin a sim.

Pope thawn an tong aw

            2012 March ah a duhnak a kim. Peter cu a innsang pawl thawn Vatican ah an tlawng. Pope thawn tongaw ding tiin a ruat ban lo. St.Peter tual ah Pope Benedict XVI tong dingin an feh. Cutiin Peter ih innsang cu Pope thawn tong aw thei ngaingai dingah a tlar in an ding. A tlar ih ding tu mipi lakah Pope laksawng pe dingah thil man khung laksawng an keng ciar. Cutikah a pa in Peter hnen ah Pope kha a zung ih a hruk mi zunghruk ah "Peter hrang thla cam sak aw" tiin ngan mi banorh a hring pe dingah  ruahnak a pe. Cui ca te thawn Rome 8:28 ih "Ziangtinkim ahhin Pathian cun mah a duhdawttu le amah ih tumtah mi vekih a kawhmi hrang ahcun an thatnak ah hna a tuan a si, ti kan thei" timi catlang cu Pope in a duh zet.

            Pope Benedict XVI cu Peter kha a biak. Pope cu Peter kha thaten a zoh ih "mirang tong thawn si na tong" tiin atiih Pope in a kut cu Peter ih vorhlam tang ah a ret. Ziangruangahtile a bol mi cu vorhlam ah a um. Peter cu anatnak thu Pope a sim lo. Hmanhman ten asile thluasuah pek asile lu lawng in pek a si theu. Cutikah Peter in Puithiam si a suh thu a sim ih Pope ih thluasuah pek nak a ngah. Cui thluasuah cu mangbangza a hmuh tiin mi tampi an zum.

            Chemo cu Peter ih cancer nat ihsin a bawm tiin tinak in Make A Wish pawlkom cun Peter hnen Chemo hmang lo ding ah a bawm tiin thleng in sim ding ti a si. Ti duh san cu a hlan ih chemo cu cancer nat a do sak theu. A tu cui foundation pawlkom ih bawm nak thawn Pope thawn tonawk nak a cang hnu chemo a si nawn lo, cui khual tlawn nak ih angah mi thazang thawn a mah cu chemo a rign tu a si nawn lo. Cutiin cang dingah foundation in an bom tiin tiduhsan a si. Pope cu Peter ih hmailam a thei ih kham nak hmun ihisn suak dingin a bawm. A fate zet mi ihsin Peter cu cancer a neh tiin 2013, ABC thuthang in an sim.

            Pope a tong hnu kum 10 a rei ah Peter cu dang thluasuah khal a co thei. Pathain ih a kawhnak ruangah sanglam 6'6" a simi Lacrosse lek tu cu 2021 ah kumkhua Puithiam tiin ordinaton a ngah. Thil a cang mi thu cu Dever Catholic zung hnen sim a si.

            Pathian ih a kawhnak thawn pehpar in Pathin lairel mi hmuh thei nak cu amai ih a danglam, mi hrang rian taun dingah ngah mi himi Saramentu cu a hrang a silo. Pathian ih miphun hrang a si. Pathian cu natnak a tuar caan khal ah a hmang tiin a ruah thu a sim. Himi thuthang cu Aleteia thuthang ihsin kan don mi a si.

https://bit.ly/3QnGDi9

Add new comment

3 + 9 =