Pope Francis in Catholic Pawlpi ih Mithianghlim thar (10) Mithianghlim ah khaisang.(May 16, 2022)

Pope Francis in Catholic Pawlpi ih Mithianghlim thar (10) Mithianghlim ah khaisang.(May 16, 2022)

         Pope Francis in Zarhpi ni ah St. Peter tualrawn ih Mithianghlim khaisannak Missa sumnak sungah Catholic Pawlpi ih Mithianghlim thar (10) mithianghlim an si tin a rak nemhnget. Cu mi cu St. John Newman le October, 2019 ih a dang 4 theh hnu Pawlpi ih hmaisabiknak Mithianghlim ih khaisannak a rak si.

         Zumtu mipa le nunau pawl, Puithiam pawl le mipi pawl cu leitlun ah zohthim mi a thianghlim mi nunram thawn an rak khuasak hnu ah Vancungram a nemhngetnak a ngah tu (10) ah an tel. “Thianhlimnak ah mi raltha mi ziaza malte hman a tel lo nan nitin duhdawtnak ih ziaza fate tampi a tel,” tiah ni a sa ih a hlum zet mi May 15, Tome ih thu a sim nak ah Pope Francis in a rak sim.

         Missa sumnak caanserh cu Mithianghlim pakhat ciar ih thuanthu tawi siarnak thawn Mithianghlim pawl ih thuhla pawl khaisan daan thuhla a sim hlan te ah an rak sak. Thumkom Pathian sunloihnak hrangah Catholic zumnak khaisannak le kan Bawi Jesuh le Dungthluntu Peter le Paul le kan mah le kan mah cek aw in a thianghlim mi bomnak hrang tu le tu thlacam theh hnu ah Christian nunram karhzainak le kan unau Bishop tampi ih ruahnak an rak ngah thu, Cesar de Bus, Luigi Maria Palazzolo, Giutino Maria Russolillo, Charles de Foucauld, Maria Rivier, Maria Francesca di Gesu Santocanale le Maria Domenica Mantovani pawl Mithianghlim cang dingah le Mithianghlim pawl lakih an tel ve thei nak dingah le Pawlpi zate in an mah upat tlak ih thannak cu Pa, Fapa, Thiang Thlarau ih hmin in kan than ih kan nemhnget.

         “Gospel thuthangtha le kan unau pawl hnenin hlawknak ngah ding (lo le) leitlun hminthannak ruahsan loin an nunram upat aw ih riantuan a tul. Hi mi cu kan mai kawhnak a si ih cu mi khual kan tlawn pi mi pawl tui ni ah an thianhlimnak an rak lak”tiah Pope Francis in a rak sim. “An nunram thinlung tha khoh ten khuasaknak thawn hrekkhat cu Puithiam pakhat sinak in, midang pawl cu upat tlak mi nunau pawl sinak in, mipi sinak in, an nunnak cu Thuthangtha hrang an rak ap” tiah a sim. “An mah in tahthim theih lo mi nomnak an rak hawlhmuh hnu ah cu mi cu Baptism laknak thawn a thok. Khar a si dah lo. Thianhlimnak ah kan mah pakhat ciar kawh kan si ih thianghlim ten um dingah zuam tlang uhsi” tiah a rak sim bet.

Mithianghlim thar pawl cu:

1.    Charles de Foucauld : French ralkap le Tappist Yatih pakhat cang dingah rak zuam tu le Algeria ih Muslim pawl hnenah Catholic mission rak tuantu a si. Bawi Jesuh ih unau Charles tiin an thei tam ih a kum 58, 1916 ah thahnak a rak tuar.
2.     Titus Brandsma: Dutch Puithiam, professor le Catholic thuthang ca pawl ah Nazi propaganda lungkim lo tu a si. 1942, Cachau ah mi nunnak lak thei mi siivai dawhnak thawn an rak that.
3.     Debasahayam Pillai: Kumzabi 18 ah Hindu biaknak ihsin Catholic ih a thawn hnu ah hremnak le thahnak rak tuartu India mipi sungin pakhat a si.
4.      Marie Rivier: The Sisters of the Presentation congregation dintu a si. French nunau in cui kaing cu 1796, a kum 28 a tihnung zet ih ukawk san lai ah a rak din.
5.      Maria Francesca of Jesus: Kumzabi 19 ah Uruguay, Argentina le Brazil ram ah Capuchin Sr. pawl ih thupek din dingah long thawn Atalantic tifinriat veisarih rak tantu mission dintu a si.
6.       Maria Domenica Mantovani: A mah cu mifarah, nu le pa nei lo le mi naa pawl rian dingah 1892 ah Italy ram ih a rak din mi a thianghlim mi innsungsang ih unau pawl tlawng (the institute of the Little Sisters of the Holy Family) ih hmaisabik general hotu upa a si.
7.      Maria of Jesus Santocanale: (The Capuchin Sisters of Immaculate Mary of Lourdes) Lourdes ih sual hram nei lo in a seem mi Bawinu Mary ih Capuchin Sr. pawl, 1910 ah Sicily ih rak dintu a si. A man caan, sun lole zaan tivek ah Bawipa Thi le Sa hmaiah a caan tamsawn a rak hmang.
8.       Cesar de Bus: Kumzabi 16 ah religious congregation pahnih rak dintu French Catholic Puithiam pakhat a si. Zaangfah lainatnak hnatuan tampi rak tuantu thinlung tha khoh zet ih thusimtu le Pathian thusimtu saya pakhat a si.
9.        Luigi Maria Palazzolo: ‘The Sisters of the poor’ mifarah pawl ih Sr. pawl congregation dinnak, nu le pa nei lo pawl tlawng dinnak le mifarah pawl hrang a rak tuannak ruangih hminthang zet mi Italian Puithiam pakhat a si.
10. Giustino Maria Russolillo: (Religious congregation of the Vocationist Fathers) le (the Secular Institute of the Apostles of Universal Sanctification) Italy ih rak dintu a si. Hi mi Puithiam cu mino pawl fimthiamnak zirhnak le an pumcawmnak sawmdawlnak ih thinlung thakhoh zet tu a si.

               Mithianghlim ih khaisannak Missa sumnak caanserh ah minung 45,000 an tel ih tamsawn cu Italy ramleng ih ra mi an si. St. Peter tualrawn ih an tarlang mi pawl lakah Italian President Sergio Mattarella, French Minister of the Interior Gerald Darmanin, Dutch Minister of te Exterior Wopke Hoekstra, India Minister of Minorities Gingee K.S. Mathan le Algerian President of the High Islamic Committee Bouabdellah Ghoulamallah pawl khal an rak tel ve.

         Hi thuthang cu RVA thuthang ih kan ngah mi a si.

https://bit.ly/3NpCwAG