Rome khua Catholic pawlpi ih a hmaisabik martyr pawl. ( June-30)

Rome khua Catholic pawlpi ih a hmaisabik martyr pawl. ( June-30)

           Rome khua Catholic pawlpi ih a hmaisabik martyr pawl cu kum 64 ah Nero Siangpahrang san lai ih hrem nak ruangih an nunnak rak hlan tu pawl an si. Cui kum ah Rome khuapi ah nikua rei mi tihnung zet ih meisa a rak kaang ih khuapi ih then thum then hnih cu a kaang theh.

         Meisa kaang theh ih nithum ni ah Nero Siangpahrang in (Moecenas Tower) ti mi khuacuannak par ah a kai ih meisa hlieu zoh phah in a rak diriam tuk ko nan cui lungawi nak in a mah cu meisa ur tu ti mi ruah nak a suah ter. Curuangah mawh puh nak hrial thei dingah Christian pawl cu meisa ur tu pawl ah a puh ih a rak hrem thok.

         Christian pawl cu mipi pawl ih nautat nak tuar dingah a hmuh ih Nero ih hmuan sungah zaanriah ei khawm nakah thah an rak tuar. A tamsawn cu keusa pawl ih rawl ah an khum ih rilrawng zet mi sahrang pawl ih rawl ah a pek. Mihrekkhat cu Thinglamtah par ah an thlai ih a dang pawl cu an taksa par ah Ziinan an toih ih a zuum mi thuam thawn an rak dawt ih meisa farvaang in an rak ur.

         Hi ti vek ih hrem nak pawl cu Rome khuapi pawl ih thinlung ih tihphan nak le zaangfah nak ah a cang ter ih cui martyr pawl cu teette pawl ruangah an mah cu Pathian zum tu ah an rak cang.

 Hi Mithianghlim pawl cu Jesuh Khrih hrang hnatuan hrangah harsat nak hrem nak le meisa thawn ur nak a cang sawn a si. Curuangah hi Mithianghlim pawl in an zumnak mi hmai ah an nunnak cem tiangih an rak lang vek in kan nih khal kan zum nak mi hmai ah langsar in kan hmuh cio thei nak dingah nitin zuam tlang uh si.