Rome khua ih Mithianghlim Frances (1384-1440) March-9

Rome khua ih Mithianghlim Frances

(1384-1440) March-9

        Christian innsang nei tu pawl ih zohthim tlak a si mi Frances cu 1384 ah Rome khuapi ih um upat tlak zet mi innsang in a rak suak. Sr. pakhat a rak cang peih tuk nain a nu le pai thu ngai nak thawn Lorenzo Ponziano thawn a kum 13 ah an rak thit aw. Kum 40 rori an rak um tlang nain ruahnak bang aw lo ti a rak um dah lo. Thlacamnak le rawlulhnak pawl a rak tuah ih hlei ah mifarah pawl bawmnak, mina pawl veh nak pawl khal a rak tuah theu. John the Baptist, Evangelist le Agnes pawl an rak hring ih Christian zumnak pawl an nauhak lai in an rak zirh.

           Frances in a nauhak lai ih a rak thi tu Evangelist le Agnes pawl hrang, a fapa nauta deuh, John kaih a tuar nak ruangih harsatnak pawl cu zumnak le thinsaunak thawn a rak tuar. Zaangfahlainatnak, thinsau nak thawn ziang hman ih a siar lo tu a mo nu, Mobilia ih duhdawtnak a rak ngah. 1425 ah Pathian hnen raithawinak pe thei dinagh le mifarah pawl hrang rian tuan thei dingah de Specchi kaing (Oblate Congregation of For de Specchi) a rak din. A pasal a thih hnu ah Sr. angki a rak cohlang ih a niam bik mi Sr. pakhat dinhmun in a tinkaing ah a rak um. 1440 ah a rak thi ih Rome khuapi ih um “Santa Maria nova” Biakinn ah an rak phum. Cui Biakinn cu Mithianghlim Frances an phum hnu in a hmin an rak thleng.

https://bit.ly/3sSkD5Z