Scotland khuapi ih Mithianghlim Margaret le Gertrude

November 16

Mithianghlim Margaret (1046-1093)

          Scotland ram kilkhawitu Mithianghlim Margaret cu 1046 ah Hungary ah a rak suak. Normandy ralkap pawl an thlen tikah Margaret cu Scotland ah a tlan. A kum 24 ah Siangpahrang Malcolm a pathum nak thawn an thi aw ih fate pariat an rak nei.

          Zohthimtlak nupi pakhat a si thu le a famkim mi Siangpahrang nupi pakhat a si thu a rak hmuh thei. Duhdawtnak thawn tuah nak cu Margaret in a pasal ih thinhengnak pawl a reh ter vek in a mah cu ding fel nak le duhdawtnak hnatuan tuan dingah a rak forhfial thei.

          Puithiam pawl ih thlarau lam thawn pehpar mi a thar ih thawh nak a khaisan sak vek in Pathian thu ruah Ni, Puai Ni pawl hngah nak khal tuanvo ah a rak tuah.

          Margaret in Biakinn tampi a rak sak ih Pathian Biakkhawmnak ih a tulsam mi pawl bawm dingah thinlung thianghlim mi nubu a tinkaing khal a rak tuah.

          Kutdawh pakhat cu Margaret in kut lawng in a tlung ti ziangtik caan hman ah thei dah kel a si lo.

          Margaret cu 1093 ah a thi ih a mah rori ih a sak mi Dunfermline Biakinn (Church of Dunfermline) ah an rak phum.

          Scotland ih Mithianghlim Margaret ih nun kan zoh a si le zohthimtlak zet mi nupi tha a si ti kan thieh bang tuk in leilungtlun ih Nu dinhmun ih a um tu pawl zate khal innsang, fa le pawl par ah duhdawtnak thawn innsang Nupi tha an tlin thei nak dingah le Pathian duhdan ih a nung tu Nu an si thei nak dingah Mithianghlim Margaret kan mah hrangah thla in cam sak aw.