Sigmaringen ih Mithianghlim Fidelis (April-24)

Sigmaringen ih Mithianghlim Fidelis (April-24)

          Propaganda Fede kaing ih a hmaisabik martyr, Mithianghlim Fidelis cu kum 1578 ah Germany ram, Sigmaringen khuapi ah a rak suak. Freiburg University ih upadi buaih a ngah hnu ah namnehnak pawl pom phah in “Mifarah pawl ih lawyer” ti mi hmin in a pumcawmnak a rak tuah.

          Kum 1612 ah Capuchin Sr. tlawng ih lut dingah lawyer a si nak in a rak suak. Cui tlawngah Puithiam cannak a rak ngah. Sualsirnak le thlacamnak thawn a nun a rak khuasak.

          A mah cu Pathian thu sim ding le sualthlahnak pawl ngai sak dingah an rak dil. Zaangzelnak in luat dingah tu le tu hi tin a rak ti. “Hling lukhuh a khum tu kan Bawi Jesuh ih a tuah tuan nak ah kan nih tla huam lo tuk ih a tuan mi ralkap pakhat kan si le kan par ah siat cam nak thleng seh,” tiah a rak ti.

          Propaganda Fede kaing ih dil nak ruangah Switzerland Grisons ram ih um Bawi Jesuih  Thi le Sa a sang duh lo tu ruahnak a nei mi pawl lak ah hna a rak tuan. Pathian hna a tuan lai ah Pathian thu sim hnak in thlacam nak ih hmual a neih sawn kha a thei ruangah a caan tamsawn cu pulpit hmaiah a rak hmang. Protestant tampi pawlpi sungih an luh ruangah a mah a dodal tu pawl in that dingah a thupten thu an rak rel. Kum 1622 ah Pathian thu a sim lai ah a Catholic zum nak cu hmunkhat a si mi lungpi ah thik zet in a hram hnget mi Vancung le leilungpi a cem lo ding tiah a rak sim. Grush khuapi in Seewis khuapi ah a feh ih cu tawk ah Catholic zum nak a dodal tu pawlkom thawn an tong aw ih cu pawl ih thah nak a rak tuar a si. Thah a tuar hlan te ah a mah a that tu pawl hrangah thla a rak cam sak. Thah a rak tuar tu Bawipa thi le sa a pom thei lo mi pawlkom ih ho tu upa in Catholic zum nak ih a luh nak cu mithianghlim ih Pathian thu a phuan nak ruangih a hmaisabik a rak asi. Mithianghlim pawl thu a rak siar theu tu zate parah Pathian in an mah Mithianghlim pawl ih nuntu zia nei thei dingah malza lo sawm hram seh.