Sr. Nathalie Becquart cu Synod thurelkhawmnak ah me pek thei nak nei tu pakhat lawng asimi nunau tiin sim (November 12, 2021)

Sr. Nathalie Becquart cu Synod thurelkhawmnak ah me pek thei nak nei tu pakhat lawng asimi nunau tiin sim

(November 12, 2021)

              Vatican ah Synod thurelkhawmnak cu kan dung thla ah sunglawi zet in on a si. Asinan Synod ih pawlkom sungtel pawl timi cu zo pawl an si timi a thei thiam lo tu pawl khal an um lai. Sr. Nathalie Becquart cu Synod ah me pek thei nak nei tu pakhat lawng asimi nunau pakhat asiih amah thu an suh nak ah, hi Synod ah ahleice a tuanvo cu Synod thawn pehpar aw in leilungpi sim fiang dingah a si tiin a sim.

           Synod tiih ti asile ruahnak lam asiih theihthiam a har ding. Asinan Synod le Kohhran von peh zom asile a kaih aw. Olten von theihthiam asile Nu Pawlpi thu a si. Ziangvek asimi Pawlpi tui ni ah an tuah duh. Asilole Pathian cu Nu Pawlpi kha a tui san ah ziang tin rian tuan ter  a duh a si timi lang ter nak a si. Pathian cu Pawlpi kha midang pawl thawn a um tlang ter duh. Mi hnenah a thleng ter duh. San ih zir in tul mi pawl a silhkhah sak tu Pawlpi si ter a duh.

           Kan leilungpi cu zamrang zet in a thleng aw timi cu mi tinkim in an pom. Leilungpi cu nat sia lak ihsin a suak thok rero. Curuangah pulhnat a can hlan dinhmun le a can hnu dinhmun cu a bang aw thei lo. A dang ding. Kohhran pi khal leilungpi sungah a um. Leilungpi ruangah a um. Asinan Pathian hna cu rintlak zet in tuan dingah a thabik ti daan hawl ding a si. Zingzoi ding.

           Ti daan thar hawl ding a har. Curuangah tihnak thinlung a cang thei. Lamzin a ong ter tu dingah tilian nak hmun hawl thiam ding. Kan nunram khal cuvek thotho a si. Nanmah ah nung dingah, rian tuan dingah, remdai dingah, lungawinak um dingah thinlung tha an nei. Tih nak thinlung, thinphan nak thinlung, buainak pah suak ding. Kohhran pi ih hlanlai pi ih zuk pakhat cu tipi par ih lawngpi asiih tilian nak lam feh dingah a tih lo tu Pawlpi asi thu le tipi ih a feh tu thilcang theih thiam ding asi thu a sim fiang. Himi thuthang cu Rome Reports thuthang ihsin kan don mi a si.

https://bit.ly/3wOmfy1