St Francis Xavier (December 3)

St Francis Xavier (1506-1552)

December-3

            Hmun dangdang ih Pathian hnatuan tu pawl kilkhawi tu Mithianghlim Francis Xavier cu kum 1506 ah Spain ram Pamplona khuapi ah a rak suak. France ram ih Paris khuapi ih fim nak a zir lai ah Loyola in Mithianghlim Ignatius ih a hmaisabik ih a dungthluntu pasarih lakah pakhat a rak si. Kum 1541 Puithiam a ngah hnu kum li rei ah Francis Xavier cu India ram ah Pathian hnatuan dingin an rak thlah. Thla 13 a rei hnu lawng in khual an tlawn hnu ah Portuguese ram a si mi Colony uk nak Goa khuapi ah Pathian thu an rak sim thok ih khua nu khua pa pawl ih thu hman lo le dik lo ih an tuah mi thil sual pawl lakin a humhim. A cuangce in a hrek khat hnatuan nei tu upa pawlin an sal pawl an hrem zat siar ank ah anmai rosary thifang pawl an hman nak an tuar thei lo ih an rak riah sia zet. Thla nga a rei hnu ah nga kaih nak hmun tifinriat ih um Paravas miphun lak ih Pathian thu a sim mi in tha a ngah ih cui miphun tampi pawl in Christmas tha pek nak an rak dil. Brahman miphun pawl lakah kum khat sung Pathian thu a sim  ih a nun nak a thleng tu pakhat lawng rak ngah tu Francis Xavier cu sunnak ziang tin kan pom ding ti khal fiang ten a thei.

            Kum 1549 ah Francis Xavier cu Japan ah khual a tlawng ih Japan khuapi ih a hmaisabik Pathian hnatuan tu a rak si. Harsat nak tuar a zuam ih farah tak ih um nak in Japan mi pawl a hip thei lo ti a hmuh tikah tha ten hnipuan a hruk ih khua upa pawl hmaiah Portugese khuapi aiawh tin amah le mah theih ter awk nak a nei. Mi uk thei nak laksawng ah Guitar thawn pehpar mi thingkuang pakhat le nazi le mitkharh a ap theh hnuah minung pawl Pathian thu sim thei nak le Pathian hnataun thei nak can tha an ngah. Francis Xavier ih a hmuh dan vek sile "Pathian zum lo tu sung in Japan miphun pawl tluk ih thinlung tha miphun nan hmu lo ding" ti a si. A hlan ih a hlawhtlin nak pawl ruangah khua upa pawl an thin a nuam thei lo ih dungthluntu hnatuan an kham. Cui hnu China ah Pathian thu sim dingah a rel cat. Asinan, Hongkong kiang ih Sancian tikulh a thlen tikah a dam lo ih kum 1551 ah cui tikulh ah a nun nak a cem.