St. John Bosco (1815-1888) January (31)

St. John Bosco (1815-1888)

January (31)

John Bosco cu 1815 August 16 ahTurin khuapi thawn a nai awk nak hmun Italy ram Becchi ah a rak suak. A Nu le Pa cu lo thlo mi, mi harsa an si. Kum hnih a kimah a Pa in a rak thih sanih a

 Nu cu a fa le pawl hrangah zonzai zetin hna a rak tuan. John a hung tum deuh in a Nu hnatuan nasa zetin a rak bawm. John cu a hung thanglian vivo ih Siangbawi cang dingah ruah nak a rak nei nan a Nu a rak sim ngam lo. Ziangah tile Minor tlawng kai nak man a kuan thei lo ding ti a ruah ah a sim ngam lawk lo. A sinan kum 16 a kimah siangbawi tlawng kai dingah a rak feh. Tlawng uk tu Siangbawi pai thusim mi zaten fangkhat te hman hrel lo in a sim thei sal. Kum 1841ah Siangbawi can nak a ngah hnuah Turin khua ah Siangbawi a rak tuan. Cui khua ah cun thawngtla pwl, mino pawl le lamzin parih nauhak pawl hrangah nasa zetin hna a rak tuan. Nauhak pawl Christian nun ram le tuan vo pawl tha ten an theih thei nak dingah St.Francis de sale cazir nak tlawng a rak phuan sak. Bosco cu cuih mithianghlim ih thinnem nak le um tu daan a duh ruangah tlawng phuan thei dingin milian zet nunau pakhat in inn a rak pek ih cui inn sung khal ah St.Francis de Sale ih zung lem tla a rak retih a nun tu zia khal a rak cawng a si. Catbang lo ih a hnatuan nak cu a Nu khal in tha a rak pe theu.

        Nuncan ziaza tha le Christian tha an can thei nak dingah Bosco in Boot kedam tuah nak, puan thit nak le cauk tuah nak hnatuan nak pawl a rak phuan sak a si. Minung pehtlaih nak a thu pit tuk ti a thei ruangah zan tim tiang thuthang le cauk ngan nakin tik cu a rak hmang theu. A thlacam nak cu "thlarau pawl cu i pe awla a dang cu lak theh aw"tiah thla a rak cam theu.

        Kum 1859 kum ah Salesians a rak din thok.1872 ah Sister pawl tlawng a rak phuan. Kum 1888 kumah John Bosco cu a nun nak a rak cemin 1934 kum ah mithianghlim a si thu an ngamhnget a si. Mithianghlim John Bosco bangin taksa thlarau lamah zuamnak kan neih thei nak diang zuam tlang uh si. Midang hrangah leitlun kan nun nak caan tawi te hmangin Pathian ah thinlung rin um nak thawn a hnatuan tlang uh si. Harsat nak buai nak tuar thei in a hnenah thazaang la tlang uh si.