St Nicholas ih thuanthu tawi relnak le simnak (December 6)

Mithianghlim Nicholas ih thuanthu tawi relnak le simnak

December - 6

            Christmas laksawng pawl rak zem theu tu Santa Claus tiih mi theih tam mi Mithianghlim Nicholas cu kumzabi pathum kiangkap ah Asia Minor kiang ih um Patara khuapi ah a rak suak. Turkey khuapi, Myra ah Bishop a tuan. Innsang nei thei lomi nunau pathum kha a nu in a cawm thei nawn lo ih a fanu apwl cu nuanu tha lo tuan a fial.  Cui thu cu Nicholas in a theih tikah sui zaal pakhat a lak ih thim nak lak in humhim nak a lak ih cui a ong aw mi sui zaal cu an sangkate in a vun den. Cui sui zaal in an upa bik hrangah a tul mi thil ri pawl an lei thei ih cui reilote ah an uap bik nu cu innsang a nei cih. Nicholas in a tang lai mi nunau pahnih hrangah a hlan vek thotho in sui zaal pawl deng sal in a bawm sal. Neitabik ah cun cui thil cang cu zawi tuahmi si pei tiih a bih theu tu an pa in Nicholas a si ti a hmuh tikah a lung awi ngaingai.

            Bishop Nicholas cu kum 350 ah a nun nak a cem nan a mi zon ruah nak thinlung cu hloh ti um loin a nung ringring ih leilung killi ah a hmin a rong thang. Kum 19 sung ah a hrek khat Dutch miphun, protestant pawl in Bishop ih hmin cu Santa Claus tin an kawh ih hleiah aipuang zet ih um thei ringring dingah le mipi duh tam mi Christmas laksawng pawl zem tu tin an nemhnget. A angki sen cu Bishop pawl ih lukhuh thawn an angki baan thawi tuu hmul thawn mawi zet in a rak hruk.

            Poland nitlak nak lam ih a um tu Nicholas ih a tinkaing cu meisa khu suak nak ihisn a ra mi Christmas thingkung pawl karlak ah laksawng pawl thlai nak thawn American cangan tu saya pawl lak khalah a hmin a rak thang zet. Santa Claus cu Christmas ih a muril asiih leitlun huap ih a um mi mifarah pawl hnen ah duhdawt nak le tirhsian nak a neih nak in a duh san a rak lang ter.