. St.Francis of Assisi

. St.Francis of Assisi

          St.Francis of Assisi in Bawipai Thi le Sa parih a neih mi zumnak cu hi tin a si. A thuanthu ngan tu cun a thinlung sungah a thu pakhat ciar in a um tin a rak ngan. Amai Brother pawl hnenah an rualpi pawl rak ko uhla Bawipai Thi le Sa Sacramentu ah a nungin a umtu Jesuh ih duhdawtnak thei thei dingah tuah uh tiah a rak forhfial theu. Hi duhdawtnak parah St. Francis cu Puithiam pawl a rak upat zet. A sim mi pakhat cu kei cu vancung mi pakhat le a tha lemlo mi Puithiam ka ton a sile vancung mi ka upat hlanah Bawi Jesuhih Taksa thawn a daiaw theu mi Puithiam ih kut kha hmaisa ah ka hnam ding a si tiah a rak ti. Ni khat cu mi pakhat in Puithiam kha sualpi thawn a um tin a sim tikah Francis cu a hmaiah khul a bilih a kut a hnam ih ka Bawipa thawn a tongaw mi na si ruangah upatnak ka lo pe tiah a rak ti. Amah ten a that lo hman ah ka hrangah cun mitha a si tiah a rak sim. Mithianghlim Francis cu a nun a thleng hlan khal ah  Bawipa thi le sa retnak dingah a harsa mi hmun le ram pawl hrangah tampi a rak bawm theu thu khal theih a si. Khrih ih umnak hmun hnak in a dang zianghman a man nei mi an um lo tiah a rak ti.