St.Veronica (July 12)

St.Veronica (July 12)

St. Veronica cu Bawi Jesuh thinglamtah ah thi dingih lam zinih a feh laiah puante thawn a hmai rak hnul tu Mithianghlim ti ih mi theih tam mi a si. Cu mi puante cu tui Vatican ah a um ih Biakinn ih hmanhla zet mi rothil pakhat a si.

Mithianghlim Veronica cu Bible Cathianghlim ah cun hmuh ding a um lo nan Catholic tradition le thinglamtah lampi thlunnak a vei VI (6) nak ah Veronica in Bawi Jesuh hmai a hnul nak thu kan hmu thei a si.

Thuanthu ih kan theihnak ah Khrih cu Calvary tlang lam ih a feh lai ah a hmai ih sin a suak mi thlan le thisen cu Veronica in a zaangfahnak thinlung ruangah a thia thluh tiah kan hmu thei a si. Amah cu Bawi Jesuh lam ah a naih ih a hmai hnulsak dingih a hman mi kalaka ti zum mi puante thawn a hmai a rak hnul sak.

Cutikah a hmaizuk cu puante par ah a rak tangter a si. Veronica ih zaangfahnak thawn a hmai a hnul hlan le a hnul hnuah Veronic thuanthu hi khui tawkah a suak ih khuitawk ah  a thi ti mi khal thei ding a rak um lo. A thuanthu zo hman in an thei lo. Asinan Rome khuapi ih St. Peter Biakinn pi ah thaten in kilkhawi mi puante par ih Bawi Jesuh hmel cuang mi cu tui ni tiang a um lai a si.

Hlanlai thu thawng then a harzet ko nan Khrih hmai cuang mi hi puante cu Vatican ah a sunglawi ih a man hla zet mi rothil sungah pakhat a si ve. Thuanthu ih an simnak ah hi mi puante cu santhuan thu ah an rak copy rero tiah theih a si.

Hi puante thuhla kan theih mi a tam sawn cu kumzabi 8 nak a thawknak lam ah Pope John VII ih kut sungah a hmaisa bik rak thang a si nan kumzabi 8 alaifan nak lam ah an rak ngam hnget. Puante thawn hmuihmel zuk a rak cuang mi cu kumzabi 15ih mi theih tam dingih an ret hlan kumzabi 13 ah a hmin a rak thang zet. Pathian hmaiih upatpeknak a petu pawl hnenah hnangam nak a rak pek.

Kum 1616 ah Pope Paul V cu mi hmuh duh zet mi puante cu mihmuh ih suah dingah a rak kham.1629 ah Pope Urban VIII cu zuk ku mi pawl hmuahhmuah kha siat dingah le  Vatican ah rak keng dingah thu a rak suah. Hi mi thu a ngai duh lo mi zaten excommunication ka pek ding tiah a rak ti.

 Hi mi zuk cu frame (bawng) sungih ret dingah kaih dingin  tanglam malte an tan ih thlalang bawm sungah an kil him a si. Hi zuk cu kum tin Vua sung zarhpi vei nga ah hmuh ternak an nei ringring a si.

July thla ni 12 ni cu Mithianghlim Veronica  upat peknak ni a si. A mah hngilh lo nak ah Khrih ih hmai zuk puante par ih a tang mi zuk kai phah in a langter mi kha an tar theu.  Amah cu Puan sawp hnatuan tu pawl, zuksuai tu pawl le Camera in zuktu pawl kilkhawi tu Mithianghlim tiah pawlpi in a ngamhnget a si.