Sual hram nei lo ih a seem mi BawiNu Maria (December 8)

Sual hram nei lo ih a seem mi BawiNu Maria

December - 8

            Minung pawl kan sual nak ih luat nak ngah dingah leitlun ih rung tum dingmi Jesuh Khristu ih rundam nak ih tel ve dingah Pathian hnen in thlausuah a hleice in a ngah mi fala thianghlim Nu Maria cu sual hram nei loin a semmi a si tiin Pawlpi in a zum. Hi zirh nak cu Bible Cathianghlim le Pawlpi ih thuanthu parah a um tin a pakua nak Pope Pius in cafang thawn sim theih lo tluk in a tummi upat tlak le sunglawih tlak Pathian tiah kum 1854, December ni riat niah a rak than. Nunau thianghlim Maria le Setan lak ih rem awk lo nak thu khal Seem 3:15 sungah "Nunau nu thawn ka lo ral aw ter ding ih, Nan tesinfa tiangin nan ral aw ding. Na lu a lo subeek dingih, nang in a kedil na cuk ding" tiin hlanlai pi ih sin tongkam a rak um. Cui tongkom cu vancungmi in Bawinu hnenih thu a than nak, "vancung mi cu a hnen ah a ra ih, na parah daih nak um ko seh. Bawipa na hnenah a um ih thluasuah tampi a lo pek a si," tiin Lk1:28 ah fiang zet in kan hmu thei. Lk1:42 khalah "Elizabeth cu thlarau thianghlim in a khat ih, ring zet in, thluasuah bikmi nunau na si. Na hrin dingmi fa khal hi thluasuah mi fa asi" tiin a hnget khoh ter sinsin.

          Kumzabi a lai hrawng ah Bawinu Maria sual hram nei loih a suah nak pawl kha biak nak lam mifim pawl karlak ah a thupi bik in el awk nak ah a rak cang. Bernard le Aquinas le vek in hminthang zet mi a dang biak nak lam ih mifim pakwl le Mithianghlim Dominic ih tlawng in Nu Maria cu sual hram nei lo in a sem tin an rak zum mi a si. Cumi pawl ih an ruah nak pawl cu dodal nak in Duns Seoto vekih Mithianghlim Francis in Yatih kaing tlawng ta pawl le Khrih Jesuh ih Bawinu cu sual nak neilo mi a si tiah an rak zum. Kum 1854 ah a pakua nak Pope Pius in an el awk mi thawn pehpar in "leilung pumpuluk thawn a pehpar mi Jesuh ih rundam nak hnataun ih a tel mi Bawinu Maria ih nau pai ank cu Pathian "Bawinu in a tel nak asiih sual hram nei loin a sem mi asi" tiih a than hnu lawng ah cui el awk ank a rak um nawn lo. Hi zirh mi pawl thawn pehpar ih a duh san kha kum 1858 Lourdes ih lang nak a hmuh mi Bawinu ih lang nak in an ngah mi a si. Cui lang nak a hmu tu Bernaclette in Bawinu ih hmin a suh tikah Bawinu in "keimah cu sual hram nei lomi Bawinu ka si" tiah a rak sim.