Tuukhaal tha Blessed Sr. Maria Agustina

tuukhal_tha_sister_sungih_mithianghlim_sr

Tuukhaal tha Blessed Sr. Maria Agustina

         Blessed ih khaisan mi, Blessed Maria Agustina de Jesus Rivas Lopez cu a hmin ngai hnak in duhkawh a si mi ‘Agustina’ tiin mi’n an thei tam sawn. A mah cu Peru ram Tuukhaaltha Sr. pakhat a si. A mah cu (September 07, 1990) ah Sendero Luminoso tiih kawh mi ruahnak luan mi pawlkom ih thahnak a rak tuar. A mah Blessed ih khaisang dingah khal Pope Francis in (May 22, 2021) ah a rak nemhnget ih (May 07, 2022) ah Blessed ah a rak nemhnget zo. Tui caan ahcun mai zumnak raltha zet ih teette khaan dingah a tul hleice. Blessed ih nunram thilcang thawn pehpar in minute 20 hrawng a rei mi video khal an rak tuah. A mah cu Peru ram ih a laifang ah Pathian rian rak tuantu a si. A mah cu a mai congregation ih cin le daan a tak tak ah tuah phah in Ashaninka ah rapthlak zet in thahnak a rak tuar.

         A mai Pathian riantuannak ah a thupibik in nunau pawl ih harhdamnak, fimthiamnak, pumcawmnak lam remcangnak le ca thiamnak lam tumtahnak pawl tha ten a tuah ih cu mi cu a rak tuah suak. “Agustina” hmin pek ih suahtu thawn pehpar mi cazin sungah thihnak cu theih cia a si lo. Asinan, duhdawtnak cu kan mai kawhnaka si tiah Fr. Alfonso Tapia in a ngan. Blessed cu Amazon hmun ih mipi pawl ih covo humhim in rak dinpi tu a si.

         Thuanthu lam ih mifim pakhat a si mi Jose Antonio Benito khal in Blessed thawn pehpar in La Parada ahAguchita ih hnatuan mi pawl cu Calcutta ah Mother Teresa ih a rak tuah mi a mang ter sal. Ziangah tile mipi an mal ih umnak dingah rak zuammi Amazon hmun ah ap aw tu Mother Teresa ih thlarau lam thlun mi daan hrambun tu hrampi hmuh a theih. Pathian zum in ziang tinkim Pathian kut sungih a apt u tampi hmuh a theih. Pathian duhdawt tu, rinsan tu, apawknak a um lo a si ahcun Blessed cu cui hmun thansonak tuah mi nunphung lam thatho ten tuantu pakhat lawng a si ding. Asinan, apawtu ih duhdawtnak le a mai a thianhlimnak a mah le ma hap aw thei dingah thazaang ah a rak can ter tiah a ruat.

         A mah le cui hmun ih mipi pawl thahnak thawn pehpar in thuanthu lam ih mifim in Blessed cu mitin hrangah ziang tik lai caan khal ah thla a cam sak theu. Christian pawl hrangah thudik ruangih thahtuarnak cu thinnat thlak zet mi thihnak a si lo. Curuangah Blessed le thawng za leng lo mi sualnak nei lo mi Peru mipi pawl ih dik lo zet ih thah tuarnak cu remdaihnak le zalennak hrangah zaangfah dil mi teette pakhat ah a rak can ter. A thihnak cu a san um lo mi thihnak a si lo. Thudik le remdaihnak hrangah Peru mipi pawl hrangah hlawhtlinnak ngah ter dingah a rak apawknak a si.

 

Add new comment

1 + 6 =