Ukarine ram ih Pathian riantuan rerotu India ram ih Catholic Sr. pakhat ‘nunau mi raltha laksawng’ ngah (March 11, 2022)

Ukarine ram ih Pathian riantuan rerotu India ram ih Catholic Sr. pakhat ‘nunau mi raltha laksawng’ ngah

(March 11, 2022)

         Nunphung bawmnak lam pawlkom pakhat ih ralbuainak a cang rero mi Ukraine ram ah Pathian rian a tuan rero tu India ram ih Catholic Sr. pakhat cu ‘nunau mi raltha laksawng’ thawn sunloih a si. Cui laksawng cu March 08 ‘leitlunhuap nunau pawl sunloih ni’ ah sunloih mi a si. Sr. ih hmin cu Ligi Payyappilly a si ih kum 48 a si.

         A mah cu Ukraine ram, Mukachevo khuapi ih din mi St. Joseph of Saint-Marc Sr. tlawng ih hotu khal a si. Cui khuapi cu Ukraine ram ih nitlaknak lam ah a um. Khuapi thawn peng 480 a hla. A mah thawn Sr. 17 pawl cu raltlan tlawngta pawl umnak hmun le ei in pawl an tawlrel sak. Cu mi in Ukraine ramri lan in Hungary, Romenia le Slovakia ram pawl ih lut thei dingah caantha pawl an tuah sak.

         Cui laksawng sunloihnak pawlkom ih ramtinkim ih nunau pawl sunloihni ah nunau pakhat hleice tak ih sunloih dingih an rel lai ah a taktak ih a tling mi lawng sunloih a tul. Cui hnu ah Sr. ih cangvaihak pawl an zoh fel ih a mah an rak hril. A mah cu nunphung lam ih cangvaitu khal a si.         

         A mai Sr. pawlkom pawl cu nauhak pawl, kum upa pawl an kilkhawi ih hlei ah ralbuai ruangah a relh rero mi mi harsa pawl khal an bawm. A mah cu Ukraine ah Pathian rian a tuan rero nak kum 20 hrawng a rei zo. Pathian rian a tuan mi pawl sungin pakhat cu retreat a tuah rero tu Sr. pawl Pathian thu a sim theu. Ratlan mi mi harsa pawl Sr. tlawng ah a kilkhawi. A mah cu mi raltha zet mi a si. Sr. cu hi laksawng thawn a tlak thu laksawng hriltu pawlkom in thuthan sungah an tarlang.

         Hi laksawng sunloihnak lam pawlkom cu India ram ah khal mi bawmnak lam a phunphun in minung pawl ih nunram thleng aw dingin a rak tuah sak. A hleice in covid-19 a rak can ni February, 2020 ihsin thok in nunphung bawmnak lam hnatuan a rak thok. July, 2020 ah hi pawlkom cu rinsan tlak zet mi cu tawk ih um mi 4 le upa 9 pawl ih bawmnak thawn nunphung bawmnak lam hnatuan famkim zet in ei in, sumpai, fimthiamnak le nunphung lam thusik thawn pehpar mi thuhla pawl ah a bawm thei.

         Hi pawlkom cu leitlunhuap ih pawlkom pawl ih bawmnak thawn milai khat le khat bawmawk  a theih tiah ruahsannak a nei. Hi pawlkom cu a hlu tu pawl ih bawmnak thawn a feh rero mi pawlkom a si. Curuangah milai khat le khat zawn ruat aw in bawmnak a pek tu ding a hlu tu pawl khal hmuah a si ringring.

         Hi thuthang cu RVA thuthang ih kan ngah mi a si.

https://bit.ly/3w8nTvY