Mithianghlim John Damascene (December 4)

Mithianghlim John Damascene

December - 4

            Greek miphun asimi Mithianghlim Doctor John Damascene cu kum 675 ah Syria ram ih Damascus khuapi ah a rak suak. John cu Puithiam a can nak tlawng ih a luh hlan ah Muslim ralkap pawl ih sum kil tu a tuan dah. Mifim ruah nak tha nei tu asivek in a man can ah cauk le Pathian hla pawl a ngan ih a rak phuah. Voikhat cu mithi vui nak ih awn mawi a tum ruangah cui awn mawi tum thei nak tuanvo in an cawl ter ih cui thuhla thawn pehpar in kawk a tuar bet. Fala thianghlim Nu Maria in John ih saya pa hnen ah lang nak a hmuh ih, John ih a duh mi Pathian hla ngan ter dingin a fial. Hi vekin Fala thianghlim Nu Maria in John ih harsat nak in a rak run. Milem biak nak dodal nak thuhla thawn pehpar ih el awk ank a thlen hnuah John in milem pawl upat ding kha a dodal ih a pathum nak Siangpahrang Leo ih thupek a rak dodal. Mithianghlim John Damascene cu kum 749 ah a nun nak a cem a si.

            John bangin milem, zuktuh pawl Pathian aiih biak nak a rak dodal bangin kan nih khal milem, zuktuh pawl kan Pathian dinhmun ih kan ret lo hman ah Pathian dinhmun ih kan ret mi thil pakhat khat a um sual maw? Kan Pathian hnak ih kan duh sawn mi teh a um pang maw? tin cek fel aw uh si.