Mithianghlim Lucy (December 13)

                                         Mithianghlim Lucy (December 13)

             Mitcaw pawl rak bawm tu Lucy cu kumzabi pathum hrawngah Italy ram thawn pehpar mi Cuse khuapi ah a rak suak. A nauhak lai in fala him a rak upat zetih Bawi Jesuh hnenah a thup ten a rak ap aw. Syracuse khuapi ih a mah rak aatcilh tu pakhat cu amah thawn el awk nak ruangah a ning zak in le thinheng zet in Lucy cu Christian pakhat asi tiah a rak phuang. Hi thil a cang caan cu kum 304, Dioclection pawl ih Christian pawl an hrem caan ah a si.

              A zum nak siatral ter dingah thuthentu in hlawhhlang inn ih sual nak tuah dingah taklawngin a feh ter. Asinan, Pathian in a thinlung thleng lo dingin a rak bawm ih cui hnaihnok nak cu a rak neh. Cu vek thotho in meisa thawn ur ding an ti nan cui hnaihnok nak khal cun a rak neh thei lo. Curuangah a hrek khat ralkap pawlin a mit pahni in an rak phorh sak. Asinan, mangbangza in a hlan hnakin a mawi deuhdeuh. Netabik ah cun a dang ah naam sau pi pakhat thawn an rak dawt ih a thi. Cui sin thok in Mithianghlim Lucy cu Pawlpi ah hmin thang zet in Mithianghlim ah a rak cang.

https://www.youtube.com/watch?v=wrqsiMYwLUY