Mithianghlim Raymond (1175-1275) January-7

Mithianghlim Raymond (1175-1275) January-7

           A pathumnak Dominican kaing (Congregation) ih hotu a si mi Mithianghlim Raymond cu kum 1175 ah Spain ram, Panya khuapi ih innsungsang in a suak mi a si. Ruahnak tha nei tu a si vekin a kum 20 ah Barcelona ah thu ruah thiamnak a rak zirh thok. A kum 30 ah pawlpi ih canon daan le ram upadi pawl ah theology mifim pawl Buaih lak dingah Bologna khuapi ah a rak feh.

         Farah pawl par ih a ret mi thinlung thakhohnak, tirhsiannak le duhdawt nak pawl ih zoh thim tlak ih ret ding pakhat ah Mithianghlim Raymond in Barcelona khuapi ih Bishop bawmtu Deacon ah kum 1219 ah tuanvo an pek. Kum thum rei hnu ah Dominican pawlkom kaing ah a rak lut ih miphun pawl thleng awknak ding hrangah a rak zuam thok.

         Muslim kut tang ih thawngtla pawl sum ih lei ding hrangah “luatnak Bawinu” kaing kha Mithianghlim Peter Niletsco thawn an rak din. Hi karlak ah Mithianghlim Raymond in canon daan ca uk panga a rak ngan. Pope in hremnak ah mifarah pawl ih zaangfah dilnak pawl silh khah dingah a rak dil.

         Kum 1238 ah Mithianghlim Raymond in Dominican pawlkom (Congegation) ih a pathum nak Congregation uk tu upa ah an rak hril. A mai Congregation ah ke lawng in a veh vai ih a thlarau lam ih a tuuruun pawl daan thlun ding, ca duh ding le dungthluntu nun can duhdawtnak thinlung pawl a rak zirh. A netabik caan ah ruahnak sual ih dodalnak, Spain ram ih um Muslim pawl in nun thleng nak ding hrangah a caan sunglawi a rak hmang.

         Mithianghlim Raymons cu a kum zakhat kim ni kum 1275 ah a nunnak a rak cem a si.

https://www.youtube.com/watch?v=Y-hApgV_DZA&t=26s