Mifim pathum puai

Mifim pathum puai 

Epiphany ti mi cu Greek tongin langter nak ti mi duhsan a nei. Mifim pathum kan ti mi cu Epiphany ih puai sunglawi zet ih kan hman nak in mifim pathum kawm in a khih hmuh mi hmun tin ih minung pawl, Jesuh Khrih ih ruahnak in pek mi kha linglet zawng in in thei suak ter.

         Thumkom tiih theih tam mi cu Marku mifim pathum cu Jesuh Khrih Biak dingah nisuah nak Jerusalem ah an feh. “Tu a suak mi Judah Siangpahrang cu zo a si? Nisuah nak lamah Arsi kan hmu ih a mah Biak dingah kan ra thleng” tiah an ti. Cui tong cu  Herod Siangpahrangin a theih tikah a don a har ngaingai ih Puithiam upa pawl le daan thiam saya pawl a ko khawm ih “Jesuh Khrih cu khui tawk ah so a suak ding?” tiah a sut. Cui saya pawl khal in “Prophet pakhat ih a ngan mi cu: Judah ram, Bethlehem khua, ka minung Isarael mi pawl a uk tu Bawinu nan mah sungin a suak ding” ti hi a si.

         Curuangah Judah ram Bethlehem khuapi ah Jesuh cu a suak ding” tiah Herod Siangpahrang cu an ti. Cu tikah Herod siangpahrang in mifim pathum hnenah, “Bethlehem khua ah va feh uh la Naute va hawl uh! Nan hmuh le ra kir sal uh la I ra sim uh; kei khal ka Biak duh ve” tiah a cah hai.

         Cui mifim pathum khal an feh ih lam lak ah Arsi an hmu ih an lungawi zet. Cui Arsi cun lam a hruai hai ih naute um nak par ah cun a cawl. Innsung ih an vung luh tikah Bawinu Maria le Naute cu an hmu ih sui le rimhmui le frankinscense rimhmui pawl thawn khukbil in an Biak.

         Mifim pathum in Naute cu an va Biaknak ding thu cu Isaiah 60:6 sungah, “Midian ram le Efah ram in Kalauk a ruun in an ra ding, Sheba ram in an ra dingih sui le rimhmui an rak keng ding. Pathian ih thiltuah mi thuthangtha cu mi in an phuang ding,” tiah a rak phuang cia zo a si. Bible hlun ih prophet pawl ih sim cia vek in cui mifim pathum cu thumkawm tiah a rak ti.

         Saam 72:10-11 sungah Barlan khal in arsi thuhla a rak sim. Hlanlai daan vek in mifim pawl cu pathum an si ih an hmin pawl cu Garscar, Melcaw le Beltarser  pawl an si thu kan thei thei a si. An rak ken mi laksawng pawl khal le a ti duh san tampi a um. Sui cu Bawi Jesuh ih Siangpahrang si nak a khih hmuh ih thlacamnak khih hmuh tu rimhmui cu Bawi Jesuh ih Pathian a si nak a khih hmuh. A thi zo pawl a khihhmuh ih an hman mi frankincense rimhmui cu Jesuh Khrih minung pawl rundamnak hrangih a thih ding thu a khih hmuh a si.

https://www.youtube.com/watch?v=qMLYQkO97BM