Mithianghlim Agatha  (February-5)

Mithianghlim Agatha  (February-5)

       Catania khuapi ih martyr a si mi Mithianghlim Agatha cu kumzabi pathum kiangkap ah Sicily ah hminthang zet mi innsungsang in a rak suak. A nauhak te lai ihsin Pathian hnenah a rak ap aw ih ziang vek ham ih dilawk nak khal a rak cohlang lo. A mah a aat cilh tu pakhat a si mi Amatgoncian in cu vek ih a el nak ruangah a thinheng tuk ih taya a cuai.

          Dechius Siangpahrang in Christian pawl a hrem caan, 250 kum ah nunau tha lo hnatuan nak inn kiltu Aprudesia ti mi hnenah Mithianghlim Agatha cu a rak ap. Asinain, Mithianghlim Agatha cu Pathian ih kilven nak thawn a ruah nak a rak thleng cuang lo. Thlakhat a rei hnu ah Mithianghlim Agatha cu a taksa an dirh ih hrem thei nak cet par ah an ret ih hrem nak, thir pawl thawn vun tlek ter nak, funghreu thawn vuak nak pawl thawn an rak hrem.

          Netabik ah a hnawi tan a rak tuar. Nili a rei hnu ah thlalang kuai pawl thawn rawi mi meiling par ah lawngfangkheh in an rak ih ter. Cu vek in an tuar ter hnu ah a mah cu thawnginn sungih an zawn rero lai ah “sersiam tu ka Pathian, nang mah in hi leitlun ih duhdawtnak ah I hruai ih hrem nak tampi tuar thei dingah tuar thei nak I pek. Tu cu ka thlarau I cohlang hram aw,” tiah sim phah in a nunnak a rak cem.

         Mithianghlim Agatha cu nurse pawl kilkhawitu a si ih hlei ah linghninnak pawl le hnawi thawn pehpar mi natnak pawl hrangah mi tampi ih rinsan zet mi a si.