Mithianghlim Scholastica (480-547) (February-10)

Mithianghlim Scholastica

(480-547) (February-10)

              Mithianghlim a naunu Mithianghlim Scholastica cu Italy ram, Nursia khuapi ah kum 480 ah a rak suak. A u pa Mithianghlilm Benedict in Monte Cassino ih a feh lai ah Scholastica in Plunbarona khuapi kiang ih um Sr. kaing a rak hoha.  A u Mithianghlim Scholastica in a upa cu mal te sung taang in thurelkhawm dingah a rak dil nain Mithianghlim Benedict in a rak el.

          Curuangah Mithianghlim Scholastica in a kut pahnih kom in Pathian hnenah thla a cam ih bawm nak  a rak dil tikah a nasa zet mi thlisia a hrang ih Mithianghlim Benedict lawng si lo in a rualpi pawl khal Yatih tlawngah an tlung thei nawn lo. Mithianghlim Benedict in “ka nau Pathian in lo ngaithiam hram seh; ka nau ziang na tuah?” tiih a rak suh tikah Mithianghlim Scholastica in “ka lo dil mi na lungkim lo ruangah Pathian hnenah zaangfah ka dil. Pathian in ka dil mi bawm nak cu I pek” tiah a rak sim.

          Mithianghlim Benedict cu a naunu Mithianghlim Scholastica thawn zaanvar “kumkhua nunnuamnak le a thianghlim sunloih upat tlak mi pawl” thu sim phah in an rak relkhawm. A thaizing, zinglam ah Yatih tlawng ah a feh sal. Nithum a rei hnu ah Mithianghlim Scholastica cu a nunnak a rak cem. Cui tikcu caan ah Mithianghlim Benedict cu a khaan sungah thla a cam caan a siih a mit a hung men caan ah a naunu ih thlarau cu thuro vek in Vancungram a kai lai a rak hmu.

          Lungawinak thawn Pathian hnen lungawi thu a sim hnu ah Yatih hrekkhat a thlah ih a naunu ih ruak cu Yatih tlawng ah a va lak ter hai `a nau hrangih a timtuah mi thlaan lungkua sungah a ret ter. Kum 547 hrawngah Mithianghlim Sholastica ca cu a rak thi ih a u pa Mithianghlim Benedict khal cui rei lo te ah a nunnak a rak cem ve.