Macao Pathian riantuantu India Puithiam pakhat in Naple ah tlawnginn pakhat din dingah tumtah. (June 16, 2022)

Macao Pathian riantuantu India Puithiam pakhat in Naple ah tlawnginn pakhat din dingah tumtah. (June 16, 2022)

          Macao ah Pathian riantuan rero tu India ram ih Claretian Puithiam pakhat in Naple ah a tha zet mi tlawnginn pakhat sak dingah tumtahnak a nei. Cui Puithiam cu Fr. Jojo Peter Ancheril a si. Hi programme tuah suak dingah a hnatuanpi pawl ih bomnak thawn 2015 ling a hnin hnu lam ah a rak thok. Ling a hnin hnuah cui hmun a va zoh. Linghnin nasazet ih tuar tu Chitwan peng, Wasbang khua din salnak ah a rak bawm. Cui peng cu Naple ram ih a lailak ah a um. Nu le pa nei lo mi nauhak pakhat a kilkhawinak in a rak thok tiah a sim.

          Tu ahcun cui puithiam le a mai riantuannak pawlkom in tlawngta 400 hrawng bawmnak le fimthiamnak pawl an zirh. A ra lai ding mi 2025 ah tlawngta 900 tiang cohlang thei dingah tumtah in an tuah rero. 2030 ah tlawngta 2000-3000 tiang um a tul tiin khal ruahsannak an nei. Pathian riantuantu pawlkom le thinlung tha a nei tu pawl ih bawmnak thawn a cang suak ding tiin khal an zum.

          Hi tlawng cu Naple ih ram tinkim bang mi tlawngah khal um ter a duh thu, hi tumtahnak tuah rero tu puithiam cu kum 49 lawng a si lai. Hi tlawng cu farah harsa mi tlawngta pawl, nauhak fimthiamnak hrangah sumpai a thei lo tu nu le pa pawl hrangah thatnak a um ter ding. Nauhak 400 luan mi sungah nu le pa nei lo pawl, farah harsa pawl, kutke kim lo  mi pawl khal an tel. Hi nauhak pawl hrangah boarder cu May 13, 2017 ah an rak sak zo. Hi tlawng saknak cu caantha tampi a sung rero tu sambaunak nei mi nauhak pawl le vah tawih har in hmun hla ih nauhak pawl hrangah thupibik ih an tumtah mi a si.

          April 12, 2015 ah tha (7.8) um mi ling a rak hnin. Miung thawngkua hrawng an nunnak a rak cem ih taan 2.8 inn le lo nei lo in a tuah ih hlei ah tul sam tuk mi pawl khal a rak cem ter. Ram tinkim ih bawmnak pawl khal a tha zet. Hi nauhak boarder khal linghnin ruangih cang mi a si. Tui caan ah cui nauhak pawl kilkhawinak inn in a thleng mi tlawngta pawl cu nunram thar ih thanglian thei dingah natuan thei dingah le hmailam hrang ruahsannak pawl a din sak.

          Ling a hnin hnuah Puithiam ih riantuannak pawlkom in inn (100) sak sak dingahthu an rel cat. Hi tiin inn (23) an sak theh hnu ih hmuh mi cu cui hmun cu thlen a har ih linghnin caan ah nu le pa pawl in an fa le pawl riantuannak ah an rak hruai ih an beu. A thok lam ah innsungsang pakhat in (10), (20) in 100, 200, 300 tiin innsang an rak tam deuhdeuh. Hi dinhmun tawlrel dingah a hlu dilnak ca pawl thawn Macao ih an rak thawh thu riantuantu pawlkom sungin Catherine in a simfiang.

          Fr. Ancheril cu an mai Parish Puithiam a si ih Naple ih langter duh mi a programme an mah a sim ruangah an mah khal an rak tel thei ih Fr. khal lungawi ten Naple ih a tel theinak thu a rak simfiang. Hi thuthang cu RVA thuthang ih kan ngah mi a si.

https://bit.ly/3y7t4wO