Mother Teresa thuhla film cu October thla ah zuknung hmuhnak ah tarlang ding. (August 24, 2022)

Mother Teresa thuhla film cu October thla ah zuknung hmuhnak ah tarlang ding.

(August 24, 2022)

          Mother Teresa tiih mi theih tam zet mi Calcutta ih St. Teresa ih nunram thuhla film cu October thla ah an tarlang ding. October 3-4 ah zuknung hmuhnak pawl ah Mother Teresa ih sim mi: “No Greater Love” (Duhdawtnak hnak ih tumsawn a um lo) ti mi cu America ramtluan ih um hmun 960 luan ah an thlah rero. Hi mi film cu leitlunhuap ih tumbik mi Catholic unau pawlkom a si mi the Knights of Columbus in a rak suah. Hi film cu kumzabi 20 lai ih Mithianghlim le a nunram, a mission tuan mi, zaangfahlainatnak hnatuan pawl cu leitlunhuap ah a rak tuan. Missionaries of Charity cu nunphung pawlkom sungih mifarah bik pawl rian dingah biaknak lam pawlkom pakhat a si.

          Zaangfah lainatnak hnatuantu pawl ‘The Missionaries of Charity’ cu mipi theih ih hawltu pawl an si’ tiah film director, David Naglieri in CNA ah a rak sim. Continent panga ah film zuk mi cu film sungah riantuantu pawlkom ih tuah mi dungthluntu pawl hnatuannak ah zum lo tluk ih a thlen thei thu Naglieri in a rak sim. Film a duhbiknak then hrekkhat sungin pakhat cu mission tuantu pawl in siatsuah mi nauhak pawl le kut ke kim lo pawl thansonak hrang sunsak in kilkhawi rero tu Kenya ih zuk mi pawl tla a tel. Cu mi scene ah zaangfah lainatnak hnatuantu Sr. in naute pakhat cawhnawi a pek rero lai mi, thluak sungah tidai pawl khawlawk mi dinhmun a tel.

          ‘Hi nauhak pawl zoh hnuah cui nauhak parih a duhdawtnak le a sunsa      knak pawl cu thuk zet in in thangphawk tertu pakhat a si’ tiah a sim. Catholic aw au pawl sungah: nemhngetnak cu Kelly tel in film sungah an telh; Winona-Rochester ih Bishop Robert Barron, Mother Teresa ih thlengawknak ah thupi zet ih tel tu director Jim Wahberg khal a tel. Mother Teresa ih rualpi Jim Towey, Fr. Brian Kolodiejchuk cu Mother Teresa nemhngetnak thuhla le New York Archdiocese ih Fr. Donald Haggerty khal an tel ve.

          Hi film cu Fathom Events ah an darh. Ticket pawl khal Fathom events ah online online at Fathom Events in lei a theih tiah an sim. Hi film thenthek ter tu cu a thih hnu kum 25 rei hnu lawngih a langnak a si ding tiah ka ruat tiah Naglieri in a sim. Cui thu nepnawi hrekkhat ah mifarah harsa pawl hnenih rian a tuan lai ah Mithianghlim ih thlarau lam nunram ih saangkate pakhat khal a tel. Hi film in St. John Paul II thawn an pehzom daan a langsar ter. Calcutta ih St. Teresa cu tui Macedonia saklam, Skopje ah August 26, 1910 ah a rak suak. A kum 17 ah Loretto ih Sr. pawl ah a rak tel ih 1950 ah India ram, Kolkata ah Missionaries of Charity a rak din. Tui san ah an pawlkom zungpi cu leitlunhuap ih inn pawl thawn Kolkata ah a um lai.

          Mithianghlim Teresa cu mifarah pawl a riannak ruangah 1979 ah Nobel Peace Prize laksawng thawn sunloih a rak si. September 5, 1997 ah a nunnak a cem ih September 4, 2016 ah Pope Franci in Mithianghlim ah a rak khaisang. “Hi film ih ka ruahsanmi pawl sungin pakhat cu Mother Teresa upatnak vunmang sal in a thupi sawn mi minung pawl an zumnak ih kirsal dingah a forhfial” tiah Naglieri in a rak sim.

          Hi thuthang cu CNA thuthang ih kan ngah mi a si.

https://bit.ly/3dTgmdi