A thi zo tu thlarau pawl hrang thlacamnak ni (Nov 1, )

A thi zo tu zate hrangih thlacam sak nak Ni (November-2)

            Tu ni kan nih in hell ram te ih a um mi thlarau pawl zaten mangsal in kan sunloih. Hell ram te cu sual fate ruangih a tangtu thlarau pawl asi lole an tuah mi sual nak pawl hrangah sual cawh kuan a tuar hrih lo tu thlarau pawl paradise nunnuamnak ih an thlen hlan ah thianghlim nak hmun, hmunram pakhat a si.

            Hell ram te ih tuar nak ah Pathian a hleice ih tul nak, hmuh duh nak khal a tel. Paradis nuamnak le hnon mi hell ram te ih um mi pawl cu kumkhua in a hmun nain hell ram te cu ni netebik thu then nak ni ah a cem leh ding a si.  Kan nih in hell ram te ih um mi thlarau pawl cu an sual nak ngaithiamnak dingah a hlu pawl thawn siseh, thlacam sak nak thawn siseh, Missa dil sak nak thawn kan bawm thei a si.

            Hell ram te a um thu teette hmuhnak cu Mekabi thuanthu pahnih nak ah kan hmu thei. Judah Mekhabia cu Jerusalem Biakinn sungah thla a rak cam. An mah cu sual nak ih a thi mi pawl ruangah Paradis nunuam nak an thleng thei lo nain, Pathian ram feh nak a thianghlim mi raldonak luh nak ruangah hell ram te ah khal an thleng thei lo.

            Curuangah an mah pawl cu hell ram te tiih kawh mi thianhlim ter nak hmun ah an feh. Cathianghlim ah Mekhabi thuanthu uk hnih 12:46 ah “A nih in mi thi pawl hrangah an sualnak ih luat thei dingah sual cawh kuannak a tuah,” tiah a sim.