India ram, Catholic Puithaim pakhat ih short film pakhat (video tawite) in laksawng pahnih ngah. November 19, 2022

India ram, Catholic Puithaim pakhat ih short film pakhat (video tawite) in laksawng pahnih ngah.

November 19, 2022

          India ram ih Catholic Puithiam pakhat ih ‘Carlo’ ti mi hmin thawn film tawite cu ram tinkim film puai ‘Global Taj’ ah laksawng pahnih a si mi short film tawite laksawng le a suah daan tha bik mi laksawng a rak ngah. Cui puai cu Nov (17), India ram saklam, Uttar Pradesh ramthen, Agra khuapi ah an rak tuah. Hi short film ih director cu Fr. Leslie Bosco Rego a si. A mah cu India nitlaknak lam, Goa Archdiocese Doman in a si.

          Tu vekih laksawng pahnih a rak ngah ruangah khal a hloptlo zet thu, film cu Nov 13, film puai ih an rak tarlang thu, film cu kumhra vuakvel Italy Blessed Carlo Acutis ih nunram hram a bun thu, a mah in computer le Internet san, mino ih nunram dik a rak zuk thu, a mah dinhmun in technology san ah Bawi Jesuh ziangtin teette khaan ding ti merfar vekin lam in rak hmuh thu, ngaingai ahcun Blessed ih nu le pa cu a thok lam ah Biaknak lam ih thinlung thakhoh zettu pawl an rak si lo nan a nih cun Pathian danglam zet ih a rak duh thu, a mah cu programme le wedsite pawl rak tuah tu a si.

          A mai thiamnak thawn Bawipai Thi le Sa ih mangbangza thawm hham thuhla mi tampi ih theih dingin a rak tuah. A mah cu nauhak pawl a thupibik in kaih tuar mi nauhak pawl humhimtu tiih mi theih tam zet mi a si. A mah cu kum no ten a cuap a that lo ruangah hleice tak in siivai tuamhlawmnak a rak lak. A mah cu London ah May 03, 1991 ah a rak suak. A rak thih nak cu Oct 12, 2006, Italy ah a si. A mah Blessed dinhmun ih rak khaisan ni cu Oct 10, 2020 ah a si. A mah cu computer lam ih paih zet tu, computer hmang rero tu mino pawl bawmtu dinhmun in sunloihnak a ngah.

          A nunram short film ih an rak zuk mi hi thil ol a si lo. Thinlung beidong nak tampi a rak um. Netabik ah a thabik in an rak zuk suak thei. Kan mah thawn a um ringring ih lam in hruai tu Pathian hnenah ka lungawi. Pathian ih thil ti theinak lawngin netabik ah Pathian cu ziang tinkim hnakih duhtu, Pathian ih hmin teette khaan tu kumhra vuakvel Blessed ih nunram pholang phah in Pathian hrangah pakhat khat a rak tuah sak thei.

          Short film tarlangnak ih tumtahnak cu tui san mino pawl santhar technology luar tuk si lo dingin ziangtin hmang dingah lam hmuh dingin a si.Blessed cu technology ziangtin hmang ding ti mino pawl hrangah a famkim bik mi ‘zoh thim tlak’ a si. Hi film in laksawng a ngah ruangah thluasuah a co. 2022 ih GTIFF film puai hrangah Inida, England, Germany, America, Denmark, Naple, Egypt ram, ram (10) ihsin short film (100) luan thawn an rak zuam.

          Hi thuthang cu RVA thuthang ih kan ngah mi a si.

https://bit.ly/3tZHGLH