St.Thomas Aquinas (January 28)

St.Thomas Aquinas (January 28)

        Mithianghlim Thomas Aquinas cu mi upat tlang innsang sungin a rak suak ih kum 1225 kumah Aquino, Italy ah a rak suak. Theology lamah thiam nak sangzet in a rak zir tu pakhat a si. Kum 6 hrawng a siah a Nu le Pa in Monte Cassino Benedictine Monastery ah fim nak an rak zir ter. Kum 1239ah Naples ah fim nak a rak zir bet. Kum 19 a kimah St.Domonic tlawngah a lut ih kawr fual a rak ngah. A lian zet mi Mithianghlim Benedic tlawngih lut dingah a Nu le Pa cun an duh sak mi a si nan  a mah in a duh lo ruangah a Nu le Pa cu an thinheng zetih an fapa cu thlawngtla vekin an khum. A duh mi tuah ngah lo dingin a khan fate sungah cun fala pakhat hnu pakhat an ret sak. A sinan Thomas in meisa far a kai ih cui nunau pawl cu a dawi suak cing cing. Cui hnu kumhnih an hrem hnuah a si thei lo ih a sungkhat pawl in a mai luh nak st. Dominic tlawngah an thlah sal. Kum 1245 kum ah Thomas cu Parish khua ah cazir dingin an fial sal ih daite um mi le a tum zet mi a ruangpi ruangah a rual pi pawl in caw Aa tiah a hmin an thleng sak. Albert in a raul pi pawl a mawh thluk  a sinan a nih ih aw cu leilung pi ih a hlat nak hmun tiangin a aw an thei leh ding a si tiah a saya pa in a rak ti. Fim nak a zir theh hnuah Thomas Aquinas cu fim nak, thlacam nak, le tangdor nak thawn Pathian thu a zirh tikah mi ih lung kim nak tam pi a rak ngah a si. Kei cu ca-uk sungta zir hnak in thinglamtah hramah tam pi ka zir sawn tiah a rak ti. 1266 kumah Sumna Theology a rak ngan thok. Nikhat cu Pulpit ih thinglamtah in aw pakhat a theiih Thomas nang cu ka thu hi tha ten na ngan thei tiah a rak ti. Cui aw cun ziang tik vek phun hi na duh mi an si tiah a suh tikah Thomas in Bawipa nangmah siar lo ziangdang duh mi ka  nei lo tiah a rak ti.

        Thomas cu nikhat sunghi thlacam nak in a cem ter theu. 1271 kum Mithianghlim Nicolas puai ni ih Missa raithawi nak a tuah laiah aw pakhat a thei sal. Cu mi thei hnu cun ca zianghman a ngan nawn lo. Pathian ih lang nak in hmuh hnu cun ka mi ca hmuahhmuah cu fangko ro men te vek an si tiah a rak ti. A  ca ngan mi cu leilung tlunah hmin thang zet mi pakhat ah a rung tel ve.

         1274 kum metting dingih a khual tlawn nak lam pi ah a na ih ne ta bik sacrament a rak sang cui mi a san laiah na saal pa ih thlarau a nei tu Bawipa ka lo sang a si . Na sal pa kei ih zir nak pawl, ka paih zet nak thinlung pawl cu Bawipa nangmah ka lo duh tuk nakah a si tian a rak tong ta. Thomas Aquinas cu 49 a kimah a nun nak a rak cem a si. 1323 ah Mithianghlim si nak an pek ih 1880 kumah Cazir nak tlawng pawl a kilkhawi tu miathianghlim tin an run ngamhnget a si.

        Mithianghlim Thomas Aquinas cu Fimthiam nak lam ah sangzetin zir hman seh a zir mi parah uang aw lo in  tangdor nak, lungnem nak le duhdawt ah lung put nei in ziang dang hnak ih a duh bik mi a Pathian hrangah pum pek nak nun a nei tu a si bangin kan ni zate tla fimthiam nak a zir lai tu khal in siseh, Pathain thu a hawl ih a zuam rero tu zate parah a thar in thlasuah kan ngah thei nak dingah thla in cam sak aw tin zaangfah bom nak kan dil tlang pei. A mahbangin tangdor nun, lungnem nun le pum nun kan neih thei nak ding khal ah thazang dil tlang uh si.