Mithianghlim John Damascene (December-4)

Mithianghlim John Damascene (December-4)

     Greek miphunih Puithiam a si mi mithianghlim John Damascene cu kum 675 ah Syria ram ih Damascus khuapi ah a raksuak. Puithiam a rakngahnaktlawngtlawngih a luhhlan ah Muslim ralkap pawl ihsum kiltu a raktuan dah.  Mifim, mithiam , le ruahnak thatha neitu a sivek in a man can ah cauk le Pathianhla pawl a rak phuah. Voikhat cu mithivuinak ah awn mawi a tum ruangah cui awnmawi tum tum theinak tuanvo in an cawl terih hlei ah cui thu thawn pehparih kawk a tuar bet.

Falathianghlim Nu Maria in John ih saya pa hnen ah langnak a hmuhih, John kha a duh mi Pathianhla pawl ngan ter dingin a fial. Hi vek in Falathianghlim NuMaria ih John ih harsatnak in a rak run. Milembiaknak dodalnak thuhla thawn pehpar in el awknak a thlen hnu ah John in milem pawl upat ding khadodal in a pathum  Siangpahrang Leo ih thu pek mi a rak dodal. Mithianghlim John Damascene cu kum 749 ah a nun nak a rakcem a si. John hi milem, zuktuh pawl Pathia nai ih biaknak a rak dodal bangin, kannih khal milem,zuk tuh pawl kan Pathian din hmunih kan ret lo hman ah Pathian din hmunih kan ret mi thil pakhatkhat a um sual maw? Kan Pathian hnakih kan duh sawn mi teh a um pang maw tin cek aw fel uh si.