Fala tlangval kutsih nak a nei tu ding pawl a kilkhawi tu Mithianghlim Valentine thutawi

Fala tlangval kutsih nak a nei tu ding pawl a kilkhawi tu

Mithianghlim Valentine thutawi

         Fala, tlangval a kilkhawi tu Mithianghlim Valentine cu Rome Siangpahrang Claudius II nak sanah mino pawl thit um nak tuah lo dingin thu a rak suah. Ziangah tile hi Siangpahrangin a ram sungih ralkap pawl innsang nei zo pawl hnakin innsang nei lo pawlin ram hrangah tam deuh in hna an tuan thei ti mi a hmuh ruangah an ramah thit um nak um lo dingin leng le val pawl kha a phunphun in a rak kham. Hman sehla Pathian hna a tuan tu Siangbawi Valentine in kut sih nak a rak pek. Curuangah  269 kum Febuary ni 14 ni a thih ni cu St.Valentine puai ni tiah an run hmang ta a si. Valentine day Kawl tongin ချစ်သူများနေ့ tiih an run  hman mi cu hi Fr.Valentine in a thi aw ding mi fala le tlangval pawl ral tha zetin thitum nak sacrament a rak pek ruangah a Lu an tan ih thah nak a rak tuar nak in a rung cang mi a si. Ram tampiah hin hi mi Valentine ni hi fala le tlangval pawl in nuam nak menah a rak hmang tu an tam pi.

        Valentine ni cu Kutsih nak sacrament a la tu ding pawl hrangah a hlei ce in humhim tu Mithianghlim puai ni a si. A  hrek khat cu Nu le Pa sungkhat unauih don kham nak le minung si nakih nunphung le ci le hman ruangih a um tlang thei lo tu leng le val pawl kilkhawi tu mithianghlim a si. Fala le tlangval duhawk nak ruangih harsat nak an ton canah mithianghlim Valentine hnenah ralthat nak ngah dingin an rak theu. Curuangah Pathian ih kom mi cu zo hman in then hlah seh (Mt 19:6) sungih a sim vekin Pathain ih kommi cu zohman in then hlah hai seh tiah a ti vekinthenaw thei lo zia khal a sim bet a si. Curuangah rin umnak thawn leng le val pawl in kan Khrihfa nunah lang ter tlang uh si tin kan run lo sawn a si.