Mithianghlim Maria Goretti thuanthu tawi (July 6)

    Mithianghlim Maria Goretti cu 1890, Oct 16, Corinaldo ah a rak suak. Amah cu Italy ram mi a si ih fala thianghlim dinhmun in thahnak rak tuartu mithianghlim a si. Mithianghlim khaisan a si lai ah mithianghlim pawl lakah kum no bik mithianghlim khal a si. Amah cu lothlo sungkua in a rak suak. Kum 9 a kim ah a pa in Maleria natnak in  a rak thih sanih midang sungkua thawn an rak nung tlang. Amah in inn lam ah tuanvo a rak la ih a unau pawl le a nu in Lo ah hna an tuan.                                                                              Zanlam nikhat ah kum 20 lawng a si lai mi Alessandro  in sualpi a rak tum. Asinan Maria Goretti in a rak duh lo ruangah Tlangval pa in vei 14 rori nam thawn a rak sun. Cuti ih natnak hliamhma thawn siizungah an keng nan a nunnak a rak cem. Asinan nan Maria Goretti in a sualnak a rak ngaithiam. Tlangval pa cu Palic pawl in an kai ih Thawnginn ah an ret. Cuti ih Thawnginn ih a um sungah a sualnak pawl a rak sir. Kum 27 sung Thawnginn ih a um hnuah a suak ih Maria goretti nui hnenah a va lengih ngai thaim a rak dil. Cu mi cu Maria Goretti in a rak cohlang. Tlangval pa cu neta lamah Capuchin  monastery (Siangbawi tlawng) ah a rak lut ih 1970 kumah a nunnak a rak cem. Maria Goretti cu 1947 ah upat sunloih tlak a si thu an than ih 1950 ah Mithianghlim a si tiah Pawlpi in a than.                                                                                                                                                                                                                                                                                                                                                                                                               Amah cu Congregation of the Passion pawl in a hleice in upat nak an pek theu. Mithianghlim Maria Goretti cu Italy ram Corinaldo ah Oct 16, 1890 ah a rak suak. Italy ram Nettuno ah July 6, 1902 ah a nunnak a rak cem. Aruak cu Santa Maria Goretti an rak vui. Aunau pawl cu Alessandro Goretti, Ersilia Goretti, Teresa Goretti, Angelo Goretti, Antonio Goretti, Mariano Goretti an si.  Anulepa cu Assunta Goretti, Luigi Goretti an si. Mithianghlim Maria Gotetti cu Pope Pius XII in Vatican khuapi, Saint Peter’s Basilica an 1950 June 24 niah Mithianghlim ah a rak khaisang a si. St. Maria Goretti hmin latu zaten happy feastday tiah cibai kan lo buk.