Mithianghlim Henry July 13 (973-1024)

Mithianghlim Henry July 13 (973-1024)

          Germany Siangpahrang Henry II cu kum 973 ah a rak suak. Ratisbon ih Bishop Mithianghlim Wolfgang in Christian pawl ih zumnak thu a rak zirh. Mithianghlim Henry cu a kum 30 ah a upa palinak Otho Siangpahrang ih ai a rak awh ih kum 12 a rei tikah upat tlak zet mi ram uktu Siangpahrang lukhuh a rak pek.

          Zumnak lam ih a hngetkhoh zet mi Henry cu Pawlpi thansonak dingah tha a rak pek lawng si loin Pathian hnatuannak pawlkom din dingah tha peknak, a tam zet mi bawmnak thawn pehpar mi a hramthoknak a rak tuahsak. A mah cu Yatih cang ding a duh ih Verdun ih um kaing uktu Yatih hnenah an pawlkom ih luh a rak dil tikah a rak tuah zo mi thukam vekin ram uk dingah a rak sim.

          “Leitlun thawn pehpar mi thuneihnak Aanaa cu mi tampi thatnak hrangah Pathian ih pek mi laksawng  a si,” ti a theih ruangah a tuanvo pawl cu tangdornak, mi hrang tuan duhnak thinlung pawl thawn a rak khah silh. Mithianghlim Henry cu kum 1024 ah fate nei lo in a rak thih ruangah Germany Siangpahrang pawl ih a netabik Siangpahrang khal a si.