Dungthluntu James upa sawn (July 25 )

Dungthluntu James upa sawn (July 25 )

          Thuthangtha ngantu John ih a u James cu Dungthluntu James thawn an hmin bangawk ruangah upa sawn James tiah an ko. Zebedi ih fapa pahnih John le James cu nga an kaih lai ah Bawi Jesuh ih kawhnak a ngah tu pawl an si. (Mt 4:19) An mah cu Jesuh in “Bonerges” tiah hmin a pek hai; A ti can cu ‘khawri fa’ tinak a si. (Mark 3:17)

          Cu mi cu a dungthluntu James le John in an hmuh tikah Jesuh hnenah, “Bawipa, hi pawl siat ral theh dingah Vancung ihsin meisa hliau tlak ter sehla na duh lo maw?” tiah an ti. (Luke 9:54) Thiang Thlarau Pathian an hnenih a tum hlan lo kawhnak an ngahnak cu famkim lo in a um. A fa pahnih that a duh sak zet tu nu pakhat cu Bawi Jesuh hnenah a fapa pahnih kha a vorhlam ah pakhat, a kehlam ah pakhat to dingah a rak dil. (Mt 20:22) Mithianghlim James, Peter le John cu Tabor tlang par ih Bawi Jesuh ih hmuihel thlengawknak hmutu an si. (Mt 17:1) Mithianghlim James cu dungthluntu lak ihsin Pathian hrangi thah a tuar tu a si. A mah cu kum 44 ah a pakhatnak Herod Agrippa san ah an kai ih an that. (Dtt 12:2) A maih ralthatnak ruangah a mah a thattu pakhat cu Bawi Jesuh a zum ih a mah thawn lutan a rak tuar. Cu mi lai ah Mithianghlim James cu leilungtlun ih a deng bik Spain ram tiang thuthangtha a rak phuang. A maih zuk tuah cia mi Jerusalem ihsin Spain ram santia Rudikanpostilia Biakinn ah an thawn ih kumzabi lai hrawng in a cuih hmun cu Pathian biak tu dingih a feh tu pawl ih upat zet mi hmun thianghlim ah a rung cang ta.