Mithianghlim Stephen of Hungary (969-1038) August – 16

Mithianghlim Stephen of Hungary

(969-1038) August – 16

          Mithianghlim Stephen cu Hungary ih Siangpahrang a si ih kum 969 ah Gran khuapi ah a rak suak. A mah cu Hungary miphun tampi Biaknak lam thawnnak thlun in a kumhra ah Baptism a rak lak. A ram cu raldonak a um ringring nak in remdaihnak a ngah hnu ah a ram uk theinak aanaa zaten Bawinu ih kilhimnak hnuai ah a rak ap.

          A mai zaangfah dilnak in Pope in Siangpahrang lukhuh le a ram pawl ah Pawlpi din dingah Pathian hnatuantu pawl a rak thlah sak. A kuttang pawl thawn an biakawk tikah Mithianghlim Stephen in thleidang lo in remdaihnak a nei.

          Mifarah pawl pek dingah ziangtik caan hman ih el lo dingah a mah le mah pum a pe aw. Nautatnak le hmuhsuamnak pawl bal in Pathian ih hmin naa ter mi tongkam tongnak, thilfirnak le nupa sualnak pawl cu nasa zet in cawhkuan a rak pek.

          A duhdawt zet mi a fapa Emeris hramlak ah lek dingin a feh ih a thih tikah “Pathian in a duhdawt tuk ih tuanten a ko” tiah a rak sim. Siangpahrang Stephen cu kum 1038 ah a thi ih Hungary kilkhawitu ih nemhnget mi khal a si.