Dungthluntu Mithianghlim Mathai (September-21)

Dungthluntu Mithianghlim Mathai (September-21)

          Dungthluntu le Cathianghlim ngantu Mithianghlim Matthai cu Galile ram ih um Ephesus khuapi ah a rak suak ih siahkhongtu pakhat khal a rak si.

          Rome pawl hrangah siahkhawngtu a si ruangah a mah cu zuaithlaitu le sual nei tu pakhat ah an rak ruat. A mah cu Carpenaum khuapi ih um mi siahkhongnak hna a tuan lai ah Bawi Jesuh in a rak ko.

          Matthai khal cun nuar nei lo in a neih mi hmuahhmuah cu tanta in Bawi Jesuih dung a rak thlun.

          Jesuh cu Matthai inn ih zanriah a ei lai ah siakhongtu dang tampi le misual an ti ih hnon mi pawl in Jesuh le a dungthluntu pawl cu rawl an ei pi. Farasi thenkhat pawl in cu mi cu an hmuh tikah a dungthluntu pawl kha, “Nan sayapa hi ziangah so hi bangtuk minung pawl thawn rawl an ei tlang?” tiah an sut.

          Cu mi cu Jesuh in a theih tikah a harhdam mi in sibawi an tul lo, mina pawl lawng in an tul a si. Miding pawl ko dingah ka ra lo, misual pawl ko dingah ka ra a si,” tiah a ti. Cui thu cu Mt 9:13, Matthai Bible Cathianghlim sungah a cekci le famkim zet in in hmuh a si.

          San thuanthu ih kan zoh a si le Mithianghlim Matthai in a Cathianghlim cu Bawi Jesuh ih tefasin cazin thawn a thok ruangah a mah cu upat tlak pakhat ah an rak ret.

          Mithianghlim Marku cu kiosa in siseh, Mithianghlim Luke cu caw in siseh cun Mithianglhim John cu mu vanlai tiin siseh a phunphun in an rak ko.

          Hlanlai thuanthu ih an sim vek a si le cu Mithianghlim Matthai cu Judea ram ih Pathian hna a tuan theh ah ni suah nak lam ah Pathian thu a phuang vivo ih cui hmun ah cun Pathian thu ruangah a nunnak a rak liam.

          Mithianghlim Matthai ih thuanthu kan zoh tikah, a mah cu siahkhongtu dinhmun in mi tha lo dinhmun ih rak khuasa tu a si ko nain Jesuh Khrih a ton hnu ah cun a nun a thleng ih Jesuh Khrih kiang nai te ih a um tu le a thlun tu tha a si bangin kan nih khal kan si nak, that lo nak le hamtam nak tan thei dingah in zirh ve aw tiin thlaza cam tlang uh si.