Mithianghlim Pius V  (April - 30)

Mithianghlim Pius V  (April - 30)

         A panga nak mithianghlim Pius cu kum 1504 ah Italy ram kawthona khuapi kiangah a rak suak. A mah cu a thianghlim upat tlak mi rosary puai rak thok tu a si. Kum 1566 ah Bishop ah an hril ih Pawlpi hrangah zuam zet in a rak thleng. A mah cu Trent ti mi thuron pumkhawmpi cu rak lungkim in Bishop pawl an mah Diocese ih Puithiam pawl hnen ah mino pawl Pathian thu zirh dingah ruah nak tha a rak pek. Rome khuapi a siat nak pawl le thu nei tu pawl ih “kei le ka sungkhat pawl ih that nak ding” ti mi ruah nak pawl a hloh ral hnu ah Pope ih khuapi ah hram lak ih misual pawl le ma le mah zuar awk nak pawl a rak thianghlim ter a si.

             Mithianghlim Pius ih sual nak thawn peh par mi daan pawl cu a fek tuk ih ruangah Rome khuapi Puithiam tlawng ih thil thleng tu tiah mawh puh nak a rak tuar a si. Mithianghlim Pius cu Bishop a tuan lai ah Puithiam pawl nitin an cam mi thlacam nak ca uk, Missa raithawi nak ih an hman mi cu uk le Pathian thu zirh nak ca uk pawl a rak suah.

            Mithianghlim Pius ih a tum bik mi a hlawhtlin nak cu “Lepanto” ih ti do awk nak a can nak Greece tipi kap in October-7, 1551 kum ih an dawi mi ih zuam nak a si. Hi hlawhtlin nak cu a hmaisabik Muslim pawl ih an rak hrem nak in a si. Hi hlawhtlin nak ih hngilh lo nak ah mithianghlim Pius in October ni sarih cu Bawinu Maria ih Rosary Puai ni le Christian pawl Bawm tu Bawinu ah Bawinu Maria ih Litany ah an rak ret. Kum 1571 ah a nun nak a rak cem ih kum 1712 ah mithianghlim Pius cu mithianghlim ah an rak nemhnget a si.