A pasarih nak mithianghlim Gregory (May-25)

A pasarih nak mithianghlim Gregory (May-25)

            Kumzabi lai ih pawlpi ih a thupibik mi pawlpi sungih a rem sal tu a pasarih nak mithianghlim Pope Gregory cu kum 1028 ah Italy ram, Tuscany khuapi ah a rak suak. Aventine ih um St. Mary puithiam tlawng ah fimthiam nak a rak zir ih kum 1073 ah a pasarih nak Pope Gregory cu mi tampi ih lungkim nak in Pope ah an rak hril. Cui hnu ah pawlpi sungih a siat mi pawl tha zet in a rak rem. Kum 1075 ah Rome ih Puithiam can nak ding thurelkhawmnak ah Pathian hnen pum a pe aw tu pawl ih si nak zuar thlai nak pawl a rak rem tha sal. Puithiam pawl ih an lamzin cu a rak khaisaang.      

             An ram then pawl ah Bishop pawl ret ding cu leipar thawn peh par mi thu nei tu pawl ih dil mi a si. Mi men men pawl ih si nak cu pom dingah mithianghlim Gregory ih kham nak in Germany ram ih a pali nak ram uk tu siangpahrang Henry thawn rem awk lo nak ah a cang ter. Henry in Fellowship bal sal dingah Canossa ih khua thlir nak inn (tower) ih a leng lam ah a sual a thlah ih kum 1077 ah mithianghlim Gregory le Henry cu an rem awk sal.

            Kum 1084 ah Henry cu a ralkap pawl in Rome ah a hruai ih Pope cu saleno ah feh in va um dingah a duh na lo ih an fial ruangah an rem awk lo nak cu a thok la la. Saleno ah Gregory cu kum 1085 ah a nun nak a rak cem a si. A mah cu ih khun par ih a thih zik te ah a ral pawl a rak ngai dam a si. “Kei cu Pathian thu ruat ding ka duh ih dik lo nak cu ka hua. Curuangah a tu vek in ramdawi ka tuar ih ka thi a si,” tiah a rak ti.