Blessed Carlo Acutis in Hindu biaknak in Catholic biaknak ah mipakhat hi ziangtin a thinlung a thleng ter.

Blessed Carlo Acutis in Hindu biaknak in Catholic biaknak ah mipakhat hi ziangtin a thinlung a thleng ter.

Blessed Carlo Acutis cu Brahman Hindu biaknak ih Puithiam pai fapa cu Catholic ah lut in Baptism ngah dingah nauhak lai a si mi ih zumnak, Sangreu sungih Jesuh Khrih a um ngaingai thu le farah pawl a duhdawtnak kha lungawi ten  tetti  a khanak  in Catholic  biaknak ih i rak hip theinak a si tiah a rak sim.

Interview pakhat ah Rajesh Mohur cu a mai thlarau lam nunnak ah 2023 August thla ih Leitlunhuap  mino  puai ni kilkhawi tu mithianghlim a si mi computer  lamih mitheih tam tleirawl mithianghlim dinhmun khaisannak ah Acutis a rak theihnak thu a rak hlawm.

Mohur cu Madagascar ih nisuahnak lam peng 500 a hlatnak Afarica tipi kap tikhulh fate ah a thanglian tu a si. Mauritius ih mipum tamsawn cu Hindu biaknak an si. Amah cu Creole ttong hmang mi a si ih Hindu casiar mi a rak zirtu a si.

Mohur innsang cu Hindu hnam phun 4 sungah a sangbik mi Brahman puithiam hnam phun an si. Mohur ih pa cu Mauritius ah Hindu biaknak ih hoha tu puithiam upa a rak tuan dah tu a si.

Mohur in hitin a rak sim ka pa in Hindu Bible pawl, Indian bible pawl thu an thlacamnak pawl zaten i rak zirh theh tiah a sim. Kum 16 a kim ah Mohur cu ka pa in Mahatma Gandhi suahnak khuapi Gujarat ah fimnak zir dingah i rak thlah. India ram ka um laiah cun kei cu Hindu nunphung le biaknak lam thlunding mi pawl ah nasa zetin ka rak zuam tiah a sim bet.

Biakinn tampi ka rak thleng dah. Hindu puithiam pawl thawn pumkhawmnak khal ah ka rak tong dah tiah Mohur in a sim.

Cui hmun pawl khal ka rak hmu theh. A rak nuamzet ih thin a nuam zet na thei maw? A sinan na nunram a thlengaw hrih lo. A tui ka hawl mi cu a nung mi Pathian si ka hawl tiah a rak sim. ka nun ram in keimai ka tuah thei lo ding mi pakhat a rak hawl theu.

 Mohur cu India ram Rajasthan ih university ah  bachelor degree, physics buaih a rak theh suak. England ah master degree kai bet dingih tumtah nak  a rak neih lai ah a pa in a rak thih san. Curuangah an innsang ih sumpai harsatnak ruangah Mohur cu an innsang bawm dingah Mauritius ah a tlungsal .

Mohur cu a pai thih hnu ah a mai biaknak a si mi Hindu thlacamnak pawl kha nasa tak in a rak zuam. A mah cu nitin zikte in thinheng le beidong in thla a rak cam theu. Ziangruangah hi vek din hmun ka thleng tiah thla ka cam theu tiah a rak sim.

Culai ah Mauritius ah hnatuan ding a rak har zet. Cumi laiah cun Italy ram ah hnatuannak visa tuah dingah a rak har lo thu Mohur in a rak theih ruangah  1980 kum lai hrawngah hnatuan hawl dingin a rak thawn. Italy ah kum 10 luan a um ih hna a tuan hnuah Mohur cu Carlo Acutis zohkhen dingah 1995 December ah Acutis family ah hna a rak tuan. Cutivekin nauhak te Carlo thawn kan rak tongaw tiah Mohur in ka vunmang sal tiah a rak sim.

Ruah a sur ni pawl ah Acutis cu Bible le mithianghlim pawl thuanthu pawl thawn tuah mi cartoon film pawl Mohur thawn veikhat veihnih kan rak zoh theu ih  Catholic biaknak thawn ka nel lo ruangah a rak zoh theu tiah a sim.

Acutis cu kum 7 a kimah a hmaisabik Bawipai thi le sa a rak ngah ih Mohur cu inn in Missa hrangah lole tlawng fehnakah a mah thawn biakin kimvel ah an feh theu. Mohur cu Acutis ih a nauhak zet lai mi biakinn sungih a luh tikah ziangti vekin  a thlengaw ti cu a rak thei thiam. Acutis cu Bawipai thi le sa retnak innte hmai ih  thla a cam tikah Mohur cu a dungah daiten a rak to ih thinlung tak in thla a cam rero mi tleirawl te cu a rak hngak theu.

Biakinn sungah upatnak tum zet thawn a um theu. Bawi Jesuh umnak cu a danglamnak pakhat a um tiah a rak thei.Carlo ih um tudan ka zoh tikah ka thinlung i tong tiah a rak sim. Acutis cu Mohur hnenah a duh zet mi vancung sang ah Bawi Jesuh Khrih a um rori thu le Missa sumnak  cu a rak duh tuk tiah Mohur in a sim.

Ka hrangah Bawi Jesuh cu ziangtluk in harsatnak a rak tuar, ka hrangah a nunnak a rak hlan tiah Bawi Jesuh ih thu a rak sim theu tiah Mohur in a sim. Carlo ih a sim theu mi cu khuitawk na feh khal le tabernacle sungih um mi Bawipai thi le sa in na thinlung lo ti thar dingah hawl aw tiah i sim theu tin Mohur in a sim bet. A tanglai mi thu cu neta ah kan run bet leh ding. Casiar tu zaten rak siar bet dingah kan run lo sawm. Hi mi thu cu CNA thuthang ta thawn a cangthei bik ih kan run leh mi a si.