Mithianghlim Anthony (Padua) (June 13)

Padua khua ih Mithianghlim Anthony (June-13)
Padua khua ih mithianghlim Anthony cu mifarah pawl bawmtu mithianghlim a si. A mah cu kum 1195 ah Portuguese ram Lisbon khuapi ah a rak suak. A kum 15 ah mithianghlim Augustine tlawng ah a rak lut ih Puithiam cannak a rak ngah.
Kum 1221 ah St. Francis Puithiam tlawng ih martyr panga ih an ruh reo pawl cu Morocco ih Portuguese ah an keng ih an mai nun cawn duh nak thinlung a tam deuh deuh.
Cui hnu rei lo te ah Africa ih um Muslim pawl hnen ih thuthangtha sim dingah an rak thlah. Asinan, rei lo te ah nasa tak in a rak dam lo. Cui hnu thla rei lo te ah Potuguese ah a tlungsal. A to mi long cu feh thei nawn lo dingih an tuah ruangah Sicily ah a cawl. Cui sin Anthony cu Assisi khuapi ah a thleng ih cui khuapi ah mithianghlim Francis thawn an ton aw.
Forli kiang ih um minung mal te um nak Puithiam tlawng ah tuanvo an pek ih hmeh kheng pawl kholh fai dingah tuanvo an pek. Cui hnu rei lo te ah St. Francis Puithiam tlawng le St. Dominocan Puithiam tlawng ih Deacon pawl ih Puithiam cannak puai cu Forli ah an rak tuah. An ruah nak mal te bangawk lo nak ruangah Dominocan Puithiam tlawng in zohman in Pathian thusim dingah tim an tuah lo. Curuangah an mai ai-awh ah mithianghlim Anthony in a rak sim. A thusim a that tuk ruangah upa pawl cu an mang a bang tuk ih cui sin thok in Italy le France ram ih Pathian thuthangtha phuang dingah an rak thlah.
Khui tawk a feh khal le a thusim ngai duh ah mi tampi an tonaw khawm theu. A thinniam nak le Bible Cathianghlim fel fai tei a theih nak pawl ruangah Pathian zum lo tu minung tampi an nun an rak thleng. Mithianghlim Anthony cu a unau Puithiam pawl hnenah Astronomy zir dingah mithianghlim Francis ih a hmaisabik a rak fial mi St. Francis Puithiam pakhat a si. Hi vek ih a zir nak cu Pathian hnenih thlacam a duh nak le upat duh nak thinlung pawl a hlo thei hrih lo ruangah a si,” tiah a rak sim.
Mithianghlim Anthony in a nunnak a rak cem nak kum netabik cu Padua khuapi ah a nunnak a rak hmang. A kum 36 ah cui khuapi ah a thi a si. cu hnu kumkhat ah mthianghlim ah an nemhnget ih cui caan ihsin thok in sair cawk lo mi mangbangza hmuh nak tampi lang ter tu tiah a hmin a rak thang. Ziangah tile Parik nauhak Jesuh a kut ih a cawi lai an hmuh ruangah a si. A thianghlim mi Cathianghlim danglam zet ih a theih nak ih hminsinnak ah ca uk pakhat siseh cun thianhlim nak hminsinnak ah daidim par khal in siseh an tah thim. Mithianghlim Anthonu in a kut ih thlir mi Bawi Jesuih Thi le Sa hmai ih a bawk tu laak pakhat cu a mah thawn voikhat voihnih le a rak tel ve. Cui thilcang ruangah laak a nei tu cu zum nak nei tu ah a rak cang. Mithianghlim Anthony cu mifarah pawl ih rinsan mi mithianghlim a si. A thlacam sak nak ngah ding tumtah nak thawn mi an pek mi peisa le thilri pawl cu “mithianghlim Anthony ih ေပါင်မုန့် tiah an ko theu. A hlo mi thilri pawl hmuh sal duh ah a hnenah thla an cam theu. Ziangah tile voikhat ah Bro. pakhat in Pathian biak nak ca uk pakhat la rahratin a tlan ih Anthony in ci ca uk ngah sal dingah thla a cam. Curuangah cui fifir pa cu ca uk re sal dingah lang nak a hmuh mi in a rak hringhro a si.
Padua ih mithianghlim Anthony cu Pawlpi sung khal ah hminthang zet mi mithianghlim a si ih hlei ah minung tampi in ahnenah upat pek nak, zaangfah dil nak, thil hlo mi pawl hmu ter saltu mithianghilm tiih nemhnget mi mithianghim a si. Cun mifarah pawl ih rinsan mi a si ih hmun pi hrek khat ah cun a mah upat pek nak ah ေပါင်မုန့် zem nak tla an tuah theu a si. A mai zum nak ruangah Pathian hnen in mangbangza lang naktampi tla a tuah thei tu mithianghlim a si. Kan thil a hlo pang khal le thil hmusal nak dingah a hnenah zaangfah bom nak dil tlang ve uh si. A mah bangin Pathian thua suh tu le a thluntu, a nun pi tu kan si thei nak dingah Pathian hnenah thla in cam sak aw tin zaangfah bom nak dil tlang uh si.