Ireland ih Matt Talbot in nasa zet ih a thinlung a thlengnak ruangah Zuutama dinhmun in mithianghlim dinhmun a si thei tiah sim.

Ireland ih Matt Talbot in nasa zet ih a thinlung a thlengnak ruangah Zuutama dinhmun in hmailamah mithianghlim dinhmun a si thei tiah sim. Zu luantuk ih innak dinhmun in a sang zet mi thianhlimnak ah a thlengaw tu Irish ram mi upattlak (Venerable) Matt Talbot cu zongsangnak (cuainak) in khua a sa rerotu mitampi cu a thangharh ter ih Catholic khawhhran ih mithianghlim din hmun cannak ding hrangah zuam rero lai a si.

Zutanma nunram in kum hra hrawng a um hnuah Talbot cu Bawipa thi le sa upat tihzahnak, Rosary thlacamnak ah thazaang a rak hmu ih a kum 28 a kim ah a sim mi vekin zu hrial dingah le a hnatuannakah thuk zet in a thinlung arak phum. Mi hrekin khuapi sungih Pathian thei ih nunram pe aw miral tha tiah an rak ti theu, a pekawknak nunram in lam a rak hruai. Talbot an phumnak Dublin, Our Lady of Lourdes Biakinn ah rian a tuan rero tu Salesian Puithiam pakhat a si mi Fr Selva Thomas in zutama pawl le ritthei sii thamtu pawl tampi cu a thih hnu kum 100 zikte lai thlacam dingah Talbot ih thlan ah an ra theu tiah a sim.

Matt Talbot cu hi tivekin mi thangharh tu a hrampi dinhmun ah a cang tiah Thomas in CNA ah a rak sim. Dublin a laifannak i um Matt Talbot Shrine cu mitampi an ra ih a thar ih dinsalnak hmun ih ruah a si ih ' thlarau lam dinsalnak thawn pehpar mi dinsalnak hmun tiah mitampi in an rak ruat tiah a sim. Tabot cu May 2, 1856 ah Dublin ah a farah mi sungkua in a rak suak. Amah cu a nautet lai in an unau 12 sungin a nungtu pakua sungah a pahnihnak a si ih Ireland ram ih a nasa zet mi paamnak tikcu caan theh ah farah harsatnak thawn zu tam tukih in nak thawn a rak thanglian tu a si.

Talbot cu kum 28 a kim ah leiba thawn ningzahnak nasa tak in a rak tongih ka nun ka thleng ding ti thukam nak a neih tikah 1884 ah a rak thleng thei. A sual a thlah ih thla thum sung zu in lo dingah thukam nak a rak nei. Hi mi a thukamnak in a thuk zet mi thlarau lam thlengawknak ih bawmtu ah a cangih a nunram ih a khual tlawnnak ah a hmaisabik kekar ah a rak cang a si. Harsatnak karlakah Tabot cu thlacamnak lam ah a heraw ih Bawipai thi le sa upatnak le Rosary thlacamnak ah Bawipa Jesuh ih hmaiah thinnuannak a rak hmutu a si.

Neta ah cun a mah cu thlacamnak , daihnak le Pawlpi hrangah a mai nunram apnak tiangin a rak zum a si. Amah cu a kum 35 ah Talbot cu the third Order St. Francis ah Secular Franciscans sungtel pakhat ah a cang a si. Zinglam nazi 6 :00 am , hnatuan a thawhhlan ah nitin tuanten a tho ih a hlan Irish Puithiam pawl ih an hman mi tuah daan pawl thlun in Pathian a theih theinak dingah a mah le amah sualcawhkuannak a rak tuah theu. A mah cu rawl malte lawng a rak ei ih sunvu hna a rak tuan, hi mi cu Bawipai thi le sa thawn pehpar awknak pakhat dinhmun in harsat ka tuarnak a si tiah a mah in a rak sim bet.

Kum 1925 June 7ah Talbot cu tangdornak thawn a nunnak a rak cem. Zarhpi ni Missa sumnak ih a feh nak lamzin Dublin ah a feh lai ah lamzin a min ih siizung pakhat ah an keng ih cui hmunah a nunnak a rak cem a si. Franciscans pawl cu Talbot kha kum tin June 19 ni ah man salnak an tuah theu. Hmai kum cu Talbot ih thihnak kum 100 kim hngilh lonak a si ding. Hi mi thuthang cu Catholic news agency in a tawi zawngih kan leh mi a si. Thuthang a rak siar theu tu zate parah Pathian in amah duh sin theinak zumnak lo pe hram seh.