Alexendria ih mithianghlim Cyril (June-27)

Alexendria ih mithianghlim Cyril (June-27)

          Alexandria khuapi ih Bishop a si mi mithianghlim Cyril cu kum 370 ah Egypt ram ah a rak suak. Puithiam cannak a lak theh hnu ah a pate a si mi Alexandria khuapi ih Bishop a rak bawm ih kum 412 ah a mai ai a rak awh. Bawinu Maria cu Pathian ih nu ih a pom lo tu ruah nak cu a dodal ih Bawinu ih Pathian Nu a si nak cu a ti thei tawk in a rak humhim ruangah a mah cu, “Pathian Bawipa ih minung a cannak thawn pehpar in a rak langsal.

           Cyril cu Constantinople khuapi ih Bishop ih nemhnget a si hnu kum 428 ah Nerius in Bawi Jesuh ah Pathian le minung tin pahnih a dang ten a um ih an mah cu thil ti thei nak in an kom awk nak a si tiah a rak zirh thok.  A mah cu Pathian in minung si nak a lak nak le Bawinu Maria cu Pathian ih Nu a si thu pawl cu a rak el. Cyril cu kum 431 ih an tuah mi Ephesus Council a rak hoha. Cui thurelkhawm nak ah Nestorius cu Pope a pakhat nak
          Celestine ih thupek nak vek in pawlpi sung in dawi a rak tuar. Cyril cu Catholic zum nak humhim nak ca pawl ngan nak thawn in a nunnak cu man nei zet in a rak hmang. A mah cu kum 444 ah a nunnak a rak cem ih kum 1882 ah Pawlpi in Doctor buaih a rak pek.

          Mithianghlim Alexandria cu Bawinu Maria hi Pathian ih Nu ti mi a zum lo tu pawl nasa zet in rak do tu a si. Pawlpi ih zirh mi pawl tha zet in a rak humhim ih cu mi thu thawn pehpar aw in ca tampi a rak ngan tu mithianghlim a si. Hi mithianghlim hi kan zoh a si le a zum nak hi lang sar zet in a rak din pi tu mithianghlim a si vek in kan nih khal kan zum nak a din pi ngam tu kan si thei nak dingah zaangfah dil tlang uhsi.