Portugal ram ih Mithianghlim Elizabeth (July 4)

Portugal ram ih Mithianghlim Elizabeth (July 4)

 Aragon Siangpahrang ih fanu a si mi Mithianghlim Elizabeth cu Spain ram Saragossa khuapi ah a rak suak. A kum 12 ah Portuguese Siangpahrang Denis thawn an rak thit awk ih Alfonso le Constance pawl an rak nei.

 Elizabeth ih catbang lo ih a thlacam nak le a thinsau nak pawl ruangah misual nunram ih a um tu a pasal cu netabik ah cun a nun a rak thleng. A hnipuan a hruk tikah zoh a mawi zet ih tongkam lam khal ah a tangdor lawng si lo in mifarah pawl a rak zaangfah a si.

          Pathian biakkhawmnak ih khual tlawn nak ih um mifarah nunau pawl hrangah kutsih caan ih a tul mi thilri pawl ngah dingah bawm nak pawl cu a mai ziaza pakhat vek ah a cang. Thu el awk nak tampi pawl cu a rak rem ter ih a mai thil ti thei nak ruangah “Remdaih nak le upat nak hmin a rak ngah.

          A pasal le dodal tu Alfonso rem aw sal dingih a tuah sal nak cu a mai a tumbik mi a hlawhtlin nak a si. Elizabeth cu a pasal a thih hnu, kum 1325 kum ah Mithianghlim Francis ih a pathum nak kaing ah a rak thlengih Mithianghlim Clare ih tlawng (Convent of poor Clare) ah a rek cawl. A mah cu kum 1326 ah Estremoza ah innsungsang buai nak rem ter dingah a fehih cui lamzin ah cun a nunnak a rak cem a si.