Kum (14) lawng a si lai mi kiangkap kilhim nakah thathozet ih a cangvai tu in Pope Francis hnen zangfah dil.

Kum (14) lawng a si lai mi kiangkap kilhim nakah thathozet ih a cangvai tu in Pope Francis hnen zangfah dil.

          Francisco Vara cu a kum (14) thawn mil aw lo in ruahnak lam le fimnak lamah a thiam hleice mi nauhak pakhat a si. A mah cu Colombia ram ah a rak suak. Thu a cin thok hrawng ihsin a caan neih mi pawl kha kiangkap kilhim nak thawn pehpar aw mi thil pawl lawngah tel in a rak tuan tu a si tiah an sim.

          2019 kum ah Amazon tuupi kha nasa zet le beisia zet in a rak kang. Cuicaan ah a nih cu kum (9) te lawng a rak si lai. A nih cu Amazon tuupi kha bawm dingin tlawngih a rualpi pawl thawn relkhawm in kiangkap kilhim cangvaih nak pakhat an tawlrel. Cui cangvaih nak cu harsa zet a si lo. Cui cangvaih nak thuhla cu an simfiangih an lungkim a si le sign thuu dingih dil mi cangvaih nak asi.

          Hi cangvaih nak cu “Guardina for Life” (Nun kilhim nak) ti hmin pek mi cangvaih nak a thar ih a thoh sal nak a si. Hi cangvaih nak cu nauhak pawl kha kiangkap kilhim thiam dingin lamhmuh dingih tawlrel nak asi. Colombia ramah ramsa pawl ih sin tuah mi minung hman mi, cei awk nak thilri pawl hman lo dingin, suahnawn lo dingin an forhfial.

          A nih cu nauhak laite in a par ih sim zo vekin pawlkom kha a rak din suak. Amai a pom dan cu kiangkap kilhim ding, nikhua le ram mipi pawl kha a ngaingai in ziangtin kan nung ding ti kha a zirh duhnak a si. Hivek tuah thei dingin rampi daan si ding a tullo. Ram then, khuapi pawl ih ti dan ding lawngin tuah theih a si. Atui santiluan ih a cang mi dinhmun kha ramthen dinhmun ah telh in ruah a tul. Nikhua thlengin a satnak kha zirh an tul vekin nauhak pawl dinhmun in a ngah mi theihkauh nak pawl kha a ngaingai tuahsuah dingih tul mi thil pawl kha bawm an tul. Veikhat lawng hman mi plastic ih tuah mi minung kan hman mi pawl khal mal deuh hmang dingih kham a tul.

          Francisco cu Rome khuapi tiang ra in Pope Francis kha nauhak pawl dinhmun khal in kiangkap kilhim nak ah tel ve ding, tel thei ve dingih ngan sak dingah a dil. Nithum sun zinglam St. Peter tualrawn ih  khawmzawhtu pawl thawn tonawk nak caan ah Francisco cu Pope Francis thawn hmaiton biakawk nak caan a rak co ngah. Pope Francis thawn hmaiton biakawk nak caan tha a ngah nak a lungpuh lam thawn pehpar in a tha a tho thu, a lung diriam nak khal ziangtin a lang ter ding ti a theih lo thu, Pope pa thawn hmaiton biakawk nak caan a ngah nak cu a hrang manglam vek a si thu, asinan tuvek ih caan remcangah a mai a tum zet mi lung thlitum kha Pope pa a phorh suah ih a sim thei thu, Pope pa ih Laudatosi’s capi sungih ngan mi vek in minung zate ih innpi a si mi leilung kha kilhim ding a si thu a sim suah thei a si.  

          Francisco cu a kum a nauhak nan 2023 kum ah “The Young Acivist Summit Ward” (Nauhak in thatho zet ih cangvai tu pawl sunlawih nakih pek mi laksawng) ngah tu khal asi. Hi laksawng cu UNO in an sunlawih mi asi. Hivekih an sunlawih nak cu mino te a si ko nan tuvek ih reidaih in minung pawl hrang that nak pek mi thil tawlrel dan pawl kha tuah thei dingin thapek nak asi.  Hi mi Rome reports thuthan in kan don mi a si.