Mithianghlim Irenaeus June-28

Mithianghlim Irenaeus June-28

          Lyons khuapi ih Bishop, Mithianghlim Irenaeus cu kum 130 ah Asia Minor ah a rak suak. A mah cu Meyana khuapi ih Bishop mithianghlim Policarp ih dungthluntu le Cathianghlim ngan tu mithianghlim John ih dungthluntu a si. A cang thei mi cu mithianghlim Polycarp in France ram ah Pathian hnatuan dingah a rak thlah ih France ram ah Puithiam cannak a rak ngah.

          Kum 177 ah France ram ah zum nak lam ih thu el awk nak a rak um ih Lyon khuapi ih Bishop tla thah a rak tuar. Cui caan hrawngah Irenaeus cu Rome ih a um can a si ruangah a rak luat. A thlen sal ah cu hrem nak a reh zo ih Lyons khuapi ih mipi pawl ih hril nak in Bishop ah an rak hril.

          Irenaeus cu Tuukhaal tu hnatuan tha zet ih a tuan lawng si lo in a inn hnen pawl Pathian thuthangtha sim dingah zuam zet in a rak tuan. A hmin cu Greek tong in "rem daih nak," ti duh san a nei ih a hmin vek in el awk nak, rem awk lo nak pawl cu a rak rem tha sal.

          Kum 190 ah Pope a pathum nak Victor thawn Pasca Puai ni cu Judah miphun pawl ih Lentak Puai ni ih an hman ruangah Pawlpi ih dodal nak a tuar tu Asian Minor ih um Christian pawl cu a rem aw ter sal.

          A tonakam le a ngan mi pawl cu kan mah rori ih kan theih lawng ah kan zum ding tiih ruah nak a nei tu pawl a rak dodal. "Pathian thei lo tu pawl do nak le dungthluntu pawl ih thu zirh mi pawlih teette" ti mi ca uk pawl cu zoh mawi ih a um nak le hnih suah sai phah ih thu a sim fiang nak pawl thawn Catholic pawlpi ih zum nak cu a rak humhim. A mah cu  Pawlpi hrem nak caan kum 202 ah thah a rak tuar. Mithianghlim Irenaeus bangin mai inn hnen pawl hnenah nuncan siseh, tongkam in siseh, thuthangtha a sim thei tu kan si ve theinak diangah le Pawlpi hrangah thudik thu hman a din pi ngam tu kan si ve thei nak ding hrang khalah thla za cam tlangin zuam cio uh si.