Manchester ih Sr. Mithianghlim ih nemhnget thei dingah England Bishop pawl thla an cam. September 11, 2020

Manchester ih Sr. Mithianghlim ih nemhnget thei dingah England Bishop pawl thla an cam. September 04, 2020

         Mother Elizabeth Prout cu Manchester khuapi ah kumzabi 19 sung, cetzung thu thawn rampi buai laiah hnon a tuar tu pawlih beunak a rak si. September 02 ni cu a suahcam kum 200 kim ni a si ih cui ni ih Missa raithawinak ah Bishop Mark Davis in Mithianghlim ih nemhnget nak timlam mi hlawhtling dingih thlacamsak dingah a rak forhfial.

         Mother cu cetzung thuthawn rampi buai nakah mifarah hnatuantu pawl hrangah pelh lo in tlawng pawl on nak le cetzung hnatuantu pawl hrangah umnak inn pawl khal a rak sak sak.

 Fimthiamnak tha pe in hnon a tuar tu pawl hrangah a rualpi Sister malte pawl thawn an rak um. Kum 1820 ah a rak suakih Anglican hmin in Baptisim a rak lak.

         A kum 20 ah Italy ih Pathian hnatuantu pakhat ruangah Catholic kawhhran ah a rak thawn. Cui caan ihsin thok in a innsanga nulepa unau pawl thawn an remcang nawn lo.

 Pathian thu a duh zet tu a mah cu innsungsang na hril ding maw, Missa raithawinaknak na kai ding tiih an hril ter tikah Catholic a rak hril ih an inn ihsin hnonnak a rak tuar.

         Mother in a tuar mi nat nak pawl cu Thinglamtah ih John vekin pacan cuh in a rak tuar. A kum 28 ah Sister a rak cang ih san tiluan ih zir in ei in nei lo farah harsa pawl a rak zoh that tu a si. Manchester ih harsat a tong mi farah harsa pawlah zaangfah lainatnak hna a rak tuan.

         Tu ah cun a rak din mi Thinglamtah le harsatnakih fanu pawl a tinkaing(Conregation ) pakhat a rak dinih a tu ah cun ram phunphun ih um mifarah pawl an bawm rero a si. Hi thuthang cu 8 September 2020 ah Vatican thuthang ih kan ngah mi a si.

https://bit.ly/2DYVAHS