Bawinu Maria ih thinlung nat nak puai (September-15)

Bawinu Maria ih thinlung nat nak puai (September-15)

            Nunau thianghlim Bawinu Maria cu a Fapa Jesuh ih harsat a tuar nak ah a Fapa thawn an rak tuar ih a mai thlarau lam ah a tuar ringring tu pakhat a si kha khih hmuh dingah hi Bawinu Maria ih riahsiat nak thuthuk pasarih a um kha a hmuh a si. Cu pawl cu - 1. Biakinn ah Simeon ih a rak phuan cia nak (Lk 2:25-35) 2. Egypt ram ih tlan relh nak (Mt. 2:13-21) 3. Naute Jesuh Biakinn sungih a hloh nak (Lk 2:41-50) 4. Fapa Jesuh Thinglamtah phur in Calvary tlang par a kai nak (Lk 23:27-31, Jn 19:17) 5. Fapa Jesuh Thinglamtah par ih a thih nak (Jn 19:18-30) 6.

             Bawi Jesuh ih ruak an lak ih Bawinu Maria in a taang sungih a cawi nak (Lk 23:50-54; Jn 19:38-40) 7. Bawi Jesuh ih ruak an vui nak pawl an si. (Lk 23:50-56; Jn 19:38-42; Mk 15:40-47) Bawinu Maria ih thinlung nat nak puai cu kum 1668 ah Bawinu Maria ih riantuantu pawl tiin pawlkom pakhat an rak din ih cu mi ihsin Pope Pius a pahra nak san, kum 1814 ah leilung pumpuluk ah an rak tuah. Bawinu Maria ih thinlung nat nak puai cu Bawi Jesuh in Thinglamtah a neh nak puai ih a thaisun September 15 ni ah an tuah nak cu Fapa Jesuh ih harsat a tuar nak ah Bawinu Maria tla a Fapa Jesuh thawn bangrep in a tuar thu a rak sim. Hi riahsiat nak thuthuk pasarih thawn a kaih aw bik mi thuthuk cu Bawinu sunlawih nak ah Zarhte ni cu Bawinu ih ni sunglawi ah an nemhnget nak a si.

https://www.youtube.com/watch?v=iYsV4uN2uVw